Залуу идэр насны ид хавыг гайхуулж
Заам задгай исгэрсээр саахалтын уяан дээр буулаа
Хулны амсар давах айрагны хөөстөи хамт
Хуй салхи шиг эргэх сэтгэлээ үлээж тогтооно
Исгэл таарсан айрганд дүрсэн хушуу эрвэгнэж
Их л нууц хан хүслээр хөвгүүн бие чимчигнэнэ
Өсгөл жигдэрсэн биеийн булчин шөрмөс зангирч
Өөр нэгэн хүсэл далдхан цаанаас зовооно
Саам саргих зэлэн дээр унага татах далимандаа
Саахалтын хөөрхөн Агийтай наадамд явхаар тохирлоо
Цэгээн тэрмэн дээлээ хөөргөж бүслээд өмсөхөд
Цээж суга нь нэг л давчидаад байх шиг санагдана
Унаж яваа морьдынхоо алхал тааруулж гэлдэрэхэд
Уужим суудалт эмээл минь багадаад байх шиг санагдана
Сураг сонин ихтэй сумын наадмаас буцахдаа
Суутай хөөрхөн Агийтайгаа сууж амьдархаар тохирлоо
Өөдгүй зантай хүний өөлсөн үгэнд гомдовч
Өнгө мөнгө дутаж өөрчилж солимоор санагдавч
Өөдрөг эхэлсэн ажлаа үргэлжилүүлж заавал дуусга
Өөрөө өөрийхөө мөрөөдөлөөс урваж битгий амьдар
.gif)
