6-р сарын 8
12 цаг 48 минут
Леброн амлалтаа биелүүлж, цувралыг тэнцүүллээ
Спорт Сагсан бөмбөг
НБА-гийн аваргын төлөөх Голден Стэйт Уорриорз болон Кливлэнд Кавалерс багуудын цувралын хоёр дахь тоглолт дөнгөж сая өндөрлөлөө. “Оракл” аринад болсон тоглолт нэмэлт цагт шийдэгдсэн бөгөөд Кливлэндийнхэн 95:93-ын харьцаатай эздийг буулган авлаа.

Өнөөдрийн тоглолтод “Морин цэргүүд”-ээс Леброн Жеймс 39 оноо авч багаа тэргүүлсэн бол Голден Стэйтээс Клей Томсон 34 оноо авчээ. Өнгөрсөн тоглолтын дараа Леброн хэвлэлийн хурлын үеэр “Бүх юм дуусах болоогүй. Бид дараагийн тоглолтод заавал хожино” гэсэн амлалтадаа хүрлээ. Харин энэ удаагийн тоглолтод MVP Стифен Карри төдийлөн сайн байж чадсангүй. Тэрээр өнөөдөр 15 холын зайн шидэлтийнхээ ердөө хоёрыг нь л оновчтой болгож нийт 19 оноо авчээ.

Ингэснээр хоёр багийн цуврал 1:1 болж тэнцэж байгаа юм. Дараагийн тоглолт ирэх лхагва гарагт Охайо мужийн Кливленд хотод болно.

Г.Болд