Засгийн газраас бүтээн байгуулалт өрнүүлэх, хөгжлийн санхүүжилтийг хийх зорилгын хүрээнд 2015 оны төсвийн хүрээний мэдэгдэл, 2016-2017 оны төсвийн төсөөлөлд гадаад өрийн ДНБ-нд эзлэх хувь хэмжээг 70 хувьд хүргэхээр тооцоолсон байсан. Харин УИХ-ын гишүүд яг одоо байгаа хуулийн үйлчлэлдээ нийцүүлж, төсвийн хүрээний мэдэгдлийг батлах ёстой гэж үзсэн. Тодруулбал, Төсвийн тогтвортой байдлын тухай хуулиар Засгийн газрын гадаад өрийн хэмжээ ДНБ-ий 40 хувиас хэтрэхгүй байх ёстой.
Тиймээс Засгийн газрыг оруулж ирсэн хуулийн төслөө хуульд нийцүүлэхийг шаардаж, буцаасан байгаа. Улмаар Засгийн газар уг асуудлыг дахин хэлэлцээд, гадаад өрийн асуудлыг одоо үйлчилж буй хуульд нийцүүлсэн. Уг асуудлыг өнөөдрийн УИХ-ын чуулганы нэгдсэн хуралдаанаар хэлэлцэж, баталлаа. Өөрөөр хэлбэл, Засгийн газар 2015 онд дахин бонд гаргах, шинээр зээл авахад хүрвэл ДНБ-ий 40 хувиас хэтрэхгүй гэх хууль үйлчлэхээр болж байна.
Х.Зул
