Нигери улсын зүүн хойд хэсэгт болсон халдлагын улмаас Чибок ахлах сургуулийн 230 орчим эмэгтэй сурагч хулгайлагдсан байна.

    Тэдний 15 халдлагын үеэр гэмт этгээдүүдийн гараас зугтаж чадсан байна.

    Охид гэмт этгээдүүдийг ирэхэд бутанд нуугдаж, зугтаж чаджээ. Нигери улсын аюулгүй байдлын хүчин исламын бүлэг Боко Хармын гишүүд өсвөр насны охидыг хулгайлсан гэж үзэн, хайх ажилагааг эхлүүлээд байгаа юм. Үүнтэй холбогдуулан хулгайлагдсан охидын ээж нар эсэргүүцлээ илэрхийлж, жагсаал хийжээ. Тэд "Бидний охидыг амьдаар нь эргүүлэн авчир" хэмээн хотын гудамжаар орилон алхсан байна. Энэ халддагыг тэд Камеруны хилийн ойролцоох ойд болсон гэж үзэж байгаа.

    Буруутгаж байгаа Исламын Боко Харм бүлэг нь үүнтэй төстэй хэд хэдэн халдлагыг хийгээд байгаа нь тэднийг сэжиглэх гол үндэслал болж байгаа юм. Саяхан Нигерийн нийслэл Абужа хотын автобусны буудал дээр хоёр дэлбэрэлт болж 71 хүн амь насаа алдсан нь энэ бүлэглэлтэй мөн холбоотой байсан. Энэ жил л гэхэд зүүн-хойд Нигери улсын гурван мужид нийт 1500 гаруй энгийн иргэд амь насаа алдсан гэсэн үзүүлалт гаржээ.