НҮБ-ын Ерөнхий Ассамблейн 66 дугаар чуулганы Ерөнхий шүүмжлэлийн үеэр Ерөнхийлөгч Ц.Элбэгдорж ийнхүү мэдэгдлээ. Цөмийн хаягдлыг Монголд булах яриа хэлэлцээ хийсэн тухай мэдээлэлд тэрбээр НҮБ-ын индрээс няцаалт хийсэн нь энэ. Энэ удаагийн Ерөнхий санал шүүмжлэл “Олон улсын маргааныг энхийн замаар шийдэхэд зуучлагчийн гүйцэтгэх үүрэг” сэдвээр өрнөжээ. Ерөнхий санал шүүмжлэлийн үеэр НҮБ-ын Ерөнхий нарийн бичгийн дарга Бан Ги Мүн аюулгүй, амар тайван амьдрахын тулд тогтвортой хөгжил, мөргөлдөөнөөс урьд чилан сэргийлж намжаах, хү ний эрхийг хүндэтгэх, байгалийн гамшгийн нөлөөллийг буруулах, шилжилт хийж байгаа улс орнуудыг, эмэгтэйчүүд залуучуудыг дэмжих гэсэн үндсэн таван зарчмыг нэрлэсэн байна.

Тэрбээр “Эдгээрээс хамгийн чухал нь болох тогтвортой хөгжилд хүрэхийн тулд уур амьсгалын өөрчлөлтийн нөлөөллийг бууруулахын төлөө тууштай ажиллаж, усны нөөц, сэргээгдэх эрчим хүчний тогтвортой бодлого хэрэгжүүлж, хүн амын эрүүл мэнд, хүнсний асуудалд анхаарч, эмэгтэйчүүдийг дэм жих хэрэгтэй” гэлээ. Бан Ги Мун, олон улсын маргааныг цэргийн хүчээр шийдвэрлэ хээс илүү зуучлалын аргаар ший дэх тухай илтгэлдээ дурдаад, Арабын орнуудад өрнөж байгаа шилжилтийн үйл явц нь богино хугацаанд ил тод засаглалд шилжинэ гэдэгт эргэлзэхгүй байгаагаа ноён Ерөнхий нарийн бичгийн дарга илэрхийлсэн юм. Чуулганыг нээж Бразилийн Ерөнхийлөгч хатагтай Дилма Руссеф үг хэлсэн нь Ерөнхий Ассамблейн санал шүүмжлэлийг анх удаа эмэгтэй хүн нээсэн түүхэн үйл явдал болжээ.

АНУ-ын Ерөнхийлөгч Барак Обама Израиль, Палестиний асуудлаарх АНУ-ын байр суурийг дахин нотлоод, асуудлыг шийдвэрлэхэд талуудын харилцан буулт хийж, зөвшилцөх нь юу юунаас илүү чухал гэсэн байна. Ливид хэдэн арван жил ноёрхсон дарангуйллыг хэдхэн сарын дотор түлхэн унагааж чадсан нь эрх чөлөө, амар амгаланг хүссэн ард түмнийх нь хүсэл эрмэлзлийн хүч юм гээд ийм хүсэл эрмэлзлийн ачаар АНУ-ын цэрэг энэ оны сүүлээр Иракаас бүрэн гарч явна. 2014 он гэхэд Афганистанд тайван байдлыг бүрэн тогтоож чадна гэжээ. Ерөнхий санал шүүмжлэлд нийт 100 орчим орны төр засгийн тэргүүн үг хэлсэн байна. Манай Ерөнхийлөгч НҮБ-ын индрээс дээрх тайлбарыг хийснээс гадна уур амьсгалын өөрчлөлт, цөлжилт, ядуурал зэрэг асуудлыг хөнджээ.

Манай улсын хувьд Мянганы хөгжлийн зорилтын 66 хувь нь 2015 он гэхэд бүрэн хэрэгжих боломжтой ч ядуурал, хүрээлэн буй орчны доройтол, жендерийн тэгш бус байдлыг арилгах тухай зорилтууд үлэмж хоцорч буйг онцолсон аж. Энэ бүхнийг шийдэхэд олон улсын дэмжлэг хэрэгтэй гэжээ. Мөн ядуурлыг бууруулах чиглэлээр хийж буй ажлаа танилцуулсан байна. Манай орон ногоон эдийн засагт шилжихэд эрчим хүчний үйлдвэрлэл, барилга, хүнс хөдөө аж ахуйн салбарт ногоон технологи нэвтрүүлэх, үндэсний чадавхийг бүрдүүлэх чиглэлээр санхүүгийн болон мэргэжлийн туслалцаа дэмжлэг хэрэгтэйг хэлжээ.

АРДЧИЛЛЫН БОЛОВСРОЛЫН ТАЛААРХ БҮЛЭГ БАЙГУУЛАВ