Үндэсний аюулгүй байдлын зөвлөлийн Ажлын албаны дарга Б.Хурц Лондонд саатуулагдаад найман сар болж байна. Түүнийг Германы талд шилжүүлэх, эс бөгөөс эх оронд нь буцаах тухай эцсийн шийдвэрээ Английн давж заалдах шатны шүүх өнөөдөр танилцуулна. Энэ талаар Гадаад харилцааны дэд сайд Б.Болороос тодрууллаа.

-Б.Хурцын асуудлыг хэрхэн шийдсэн талаар ямар нэгэн мэдээлэл ирэв үү?

-Бидэнд ямар ч мэдээлэл ирээгүй. Шүүхийн эрх мэдлийн асуудал учраас Английн шүүх байр сууриа илэрхийлэх албагүй гэдэг.

-Өмнөх шүүх хуралд манай талаас олон хүн оролцож байсан. Энэ удаа хэдэн хүн оролцох бол?

-Давж заалдах шатны шүүх хурал өнгөрсөн зургадугаар сарын 21-22-нд болсон. Шүүх шийдвэрээ тэр даруй гаргаагүй өнөөдрийг хүрсэн. Одоо шийдвэрээ танилцуулах учраас Мон голоос хүн явахгүй. Харин тэнд байгаа өмгөөлөгч бусад төлөөлөгч ямар шийдвэр гарсныг бидэнд мэдээлнэ.

-Шүүх шийдвэрээ Улаанбаатарынхаар хэдэн цагт танил цуулах бол?

-Бидний бодож байгаагаар оройхон л танилцуулах байх. Тиймээс бид шийд вэрээ сонсоод, маргааш хэвлэлийнхэнд мэдээлнэ.

-Давж заалдах шатны шүүхийн шийдвэр “Б.Хурцыг Германы талд шилж үүлэх ёстой” гэж гарвал манай тал ямар арга хэмжээ авах вэ. Дахин давж заалдах боломж бий юү?

-Шүүхийн шийдвэрийг сонсож байж дараагийн алхмаа хийнэ. Одоохондоо энэ талаар ямар нэгэн зүйл хэлэх боломжгүй.

-Б.Хурцын эхнэр, хоёр хүүхэд нь Лондонд байгаа юу?

-Тэнд байгаа гэсэн.