Сонгууль ойртож байна. Жил хүрэхгүй хугацаа үлджээ. Төсвийн тухай хуулийн шинэчилсэн найруулгын төслийг хаврын чуулганаар батлах байсан ч УИХ амжсангүй. Ээлжит бус чуулганы сураг бий. Хэлэлцэх асуудал нь Монголын төсөвт нэг тэрбум доллар оруулах Тавантолгойн төсөл, түүнтэй холбоотойгоор Хүний хөгжил сангийн төсвийн тухай хуульд өөрчлөлт оруулах асуудал гарч мэднэ. Намрын чуулганаар 2012 оны төсөв батална. Энэ оны төсөвт ч тодотгол хийж магадгүй. Энэ бүхнээр баримжаалвал 2012 оны сонгуулийг мөнгөнөөс хол бол но гэх байдал харагдахгүй байгаа юм. Гэхдээ намуудыг мөнгөний амлалтаар өрсөлдөхгүй гэдэгт найдаж байна. Зарим иргэн, улстөрчдийг мартсан байж магадгүй хэмээн бодоод доорх баримтыг сануулахыг хүссэн юм. 2011 оны гуравдугаар сарын 22-нд есөн намын дарга нарын байгуулсан мөнгө амлахгүй гэсэн гэрээ энэ байна.