Зүүн Азийн хөлбөмбөгийн холбооны их хурал гуравдугаар сарын 19-нд БНСУ-ын Сөүл хотноо болжээ. Тус хурлаар зохион байгуулалтын асуудал хэлэлцэж, хугацаа нь дууссантай холбогдуулан холбооны ерөнхийлөгч, Японы иргэн Огураг ажлаас нь чөлөөлж, оронд нь БНСУ-ын Хөлбөмбөгийн холбооны ерөнхийлөгч Чо Чунг сонгосон байна.
Мөн өнгөрсөн нэгдүгээр сард зохион байгуулсан Азийн хөлбөмбөгийн холбооны ерөнхийлөгчийн сонгуульд Зүүн Азийн холбооны хамтарсан шийдвэрийг үл хайхран нэрээ дэвшүүлсэн Монголын хөлбөмбөгийн холбоог гурван жилийн хугацаатайгаар тус холбооны үйл ажиллагаанд оролцуулахгүй байхаар эрхийг нь хассан байна.
Дашрамд дуулгахад, гуравдугаар сарын 30- нд Малайз дахь Азийн хөлбөмбөгийн холбооны байранд 2014 оны ДАШТ-ий нэг, хоёрдугаар үеийн сугалаа явагдлаа. Багууд долдугаар сарын 23, 28-нд хоёр удаа тоглох болно. Манай улсын шигшээ баг Мьянмарын шигшээ багтай таарчээ. Ялсан тохиолдолд Оманы багтай тоглох болно
