Хууль бус оршин суугчид мэс хэрэглэх нь нэмэгдэн, баривчилгаанд оролцож байгаа цагаачлалын албаны      

а жилтнууд дараалан бэртэл гэмтэл авч байна.

 “Хан Ган Таймс” сонин

Хууль зүйн яамны харъяа Иыжонбү хотын цагаачлалын албаны шалгалтын хэсгийн (дансугбан) ажилтнууд ‘2009.10.22 өдөр Кёнгги аймгийн Пучон хотын Дунюу хороонд байрлах “D“ хэмээх даавууны үйлдвэрт Филиппин улсын хууль бус иргэд ажиллаж байна гэсэн иргэдийн мэдээллийн дагуу бичиг баримтын шалгалт явуулжээ.

  Шалгалтын албаны ажилтнууд тухайн үйлдвэр дээр очин, үйлдвэрийн даргад бичиг баримтын шалгалт явуулах талаар мэдэгдэх үед үүнийг харсан Филиппин иргэд зугтсан ба  нэг ажилтан нь тэрхүү ажилчны араас хөөжээ. Зугатаж байсан Филиппин иргэн “D” нь шалгалтын хэсгийн ажилтан “J”-рүү 25см-ийн урттай эсгүүрийн хутгаар хэд хэдэн удаа  сүрдүүлснээ хутгаа далайн ажилтны тохой руу хутгалаад зугтан, өөр нэгэн шалгалтын хэсгийн ажилтанд баригджээ. Филиппин иргэн “P” нь шалгалтын хэсгийн ажилтан “L”-д баригдах үедээ тохойг нь хазан, шархдуулаад зугтах үедээ баригджээ.

  Эдгээр Филиппин иргэд нь үйлдвэрийн дадлагажигч, хөдөлмөрийн гэрээгээр Солонгос улсад ирсэн ажилчид бөгөөд “D” нь 2005.3сард, “P” нь 2008. 7сард оршин суух хугацаа нь дуусгавар болон, хугацаандаа нутаг буцалгүй, тус улсад хууль бусаар оршин сууж байжээ. Бэртэл авсан шалгалтын хэсгийн ажилтан “J” нь Пучон хотын харъяа “Үри эмнэлэг”-т 30орчим оёдол тавиулсан ба ажилтан “L” нь “Иыжонбү эмнэлэг”-т шархаар дамжин халдвар авахаас сэргийлэх тарилга хийлгэн, мэс заслын тасагт үзүүлэн оёдол тавиулахаар болсон байна.

Хууль зүйн яам нь сүүлийн үед хууль бус оршин суугчдыг баривчлах баривчилгааг эрчимжүүлсэн бөгөөд хууль бус иргэдийн эсэргүүцэл өдөр ирэх тусам ширүүсэн, харгис догшин болж байгаа бөгөөд бэртэл авч байгаа ажилтнууд дараалан гарч байгаа ба 2005оноос хойш бэртэж гэмтсэн ажилчдын тоо 100орчим болсон байна. Өнгөрсөн 5сард баривчлагдсан хууль бус оршин суугч нь гавлуулсан гаваараа ажилтны духан тус газар шархдуулан, оёдол тавиулсан зэрэг энэ онд л гэхэд 25ажилтан бэртжээ.

  2005онд 12ажилтан, 2006онд 14ажилтан, 2007онд 20ажилтан, 2008онд 28ажилтан, 2009онд (1-9сар) 25ажилтан бэртэж гэмтжээ.
  Энэ нь хууль бус оршин суугчдын ажлын байр нь ихэвчлэн аюул осолтой багаж хэрэгсэл ашигладаг үйлдвэр байдаг ба ихэнхи хууль бус оршин суугчид нь хүчин мөхөс шалгалтын хэсгийн ажилтнууд руу бүлэглэн хүч хэрэглэх, ямар ч аргаар хамаагүй зугтах гэсэн зорилгоор аюултай багаж хэрэгсэл ашиглан аюул учруулдагтай холбоотой хэмээсэн байна.

Хууль зүйн яам нь цаашид ч гэсэн хууль зөрчиж буй хууль бус оршин суугч гадаад иргэдийг барих баривчилгааг явуулах ба баривчилгаатай холбогдуулан хууль бус хэл яриа гарах, хүний эрх зөрчсөн асуудал гарахгүйн үүднээс баривчилгааны явцад хуулийг чанд сахина гэдгээ мэдэгдлээ. Баривчилгааны явцад эсэргүүцэл үзүүлэн, ажилтнуудад бэртэл учруулах, хууль бус оршин суугчдыг хамгаалахын тулд зохион байгуулалттайгаар саад хийсэн этгээдэд хатуу арга хэмжээ авна хэмээн мэдэгдлээ.