Ханьдаа бүрэн итгэ:
Хэрэв тийм биш бол та түүнтэй хэзээ ч үлэмжийн сайхан таашаал амсахгүй. Та хоёр хичнээн дотно байлаа ч үл итгэлцлийн хана үргэлж зааглаж та орон дотроо гүйцэд чөлөөтэй байж чадахгүй. Олон жил хамт амьдарсан ч биесээ эд юм шиг үздэг гэр бүл нэлээд байдаг. Тэднийг гаднаас нь харахад хэвийн сайхан амьдарч буй мэт боловч яг дотор нь ороод үзвэл үнэхээрийн харамсаар байдаг нь судалгаагаар тогтоогдсон билээ.

Ханиа байгаараар нь хүлээн зөвшөөр:
Мэдээж та зөв сонголт хийсэн бол шүү дээ. Та яаж ч хичээсэн түүний сэтгэл зүйн онцлогуудтай эвлэрч чадахгүй байж магадгүй. Хоёулаа хошуучлагч удирдах дуртай хүмүүс бол таарахгүй. Ийм нөхцөлд гэр бүл дотор нэг нь нөгөөгөө ямар ч аргаар хамаагүй дарж нухчих гэж оролдон хязгааргүй эрх мэдэлээр захирахыг хүсдэг. Хамтын амьдрал ямар ч дүрэмгүй хоёр биенээ зовоосон ялагчгүй дайн болж хувирна.

Сексэд амжилт олох түлхүүр бол сэтгэл зүйн нарийн зөв аргачлал:
Хэрэв та өөрөөсөө “Yргэлж хайртай хүнээ өөртэйгөө сайхан байлгахын тулд би юу хийж чадах вэ?” гэж асуудаг бол эрт орой хэзээ нэгэн цагт та хоёрын бэлгийн харьцаа сайжирна.
“Авахыг хүсвэл өөрөө эхэлж өг” гэсэн сэтгэл зүйн алтан дүрэм байдаг.

Зарим хүүхнүүд өөрийн бэлгийн дур хүслийг мартаж эсвэл дарж нуудаг. Тэдний хувьд гол нь ханиа хангах явдал. Бэлгийн хавьтлаас цэнгэл таашаал авахын тулд эхлээд өөрийн сэтгэл зүйн асуудлаа шийд, өөрийгөө, биеэ хайрлаж сур. Эмэгтэй хүн орон дотроо жирийн байдгаасаа арав дахин илүү зөөлөн, уян хатан байх ёстой. Та өөрийн хүслээ огооролгүйгээр эр хүнийг мэдэрч түүний байдлыг ойлгож зохицуулан үйлдлээ хий. Хэрэв та түүнд үнэхээр хайртай бол үүнээс илүү таатай юм хаа байх вэ дээ.

Ямар ч эр үе үе “Энэ удаа чадахгүй бол яана” гэж түгшдэг байна.
Эр хүн гаднаа хичнээн итгэл төгс харагдаж байсан ч бэлгийн чадахидаа үргэлж эргэлзэж байдаг. Тиймээс эр хүнд эмэгтэй хүний дэмжлэг үргэлж хэрэгтэй байдаг. Түүний бэлгийн чалхаас хамааралгүйгээр өөрийн бүхий л байр байдал, харьцаагаар таатай сайхан байгаагаа тогтмол илэрхийлж сур. Ихэнх хүүхнүүд оронд орсон хойноо дөнгөж сая хөргөгчнөөс гарсан мэт аашилдаг. Ийм үед эр хүн хүүхнийхээ дур тачаалыг өдөөх гэж маш их хүч зарах болдог. Эмэгтэй хүн үнэтэй бэлэг өгч байгаа мэт өөрийгөө гардуулахдаа “юу дуртайгаа хий, чиний гал халуун дурлалд хариулж уулзахыг зөвшөөрсөн нь их юм” гэж ойлгуулдаг. Гэхдээ хэрэв хүсэхгүй бол та таашаал авч чадахгүй шүү дээ. Эр хүнд өөрийг нь хүсэж байгааг мэдрэх шиг дэмжлэг байдаггүй. Эмэгтэй та өөрөө санаачлага гаргахаас бүү ай, ич. Эр хүн бэлгийн хавьтлын үед таны өмнө хэзээ ч байгаагүйгээр нэн эмзэг болдог байна.