Хэзээнээс дуучин биш бизнес эмэгтэй болчихов оо?
-Дэлгvvрээ нээгээд удаагvй ээ. Хоёр cap л болж байна. Найзууд "Чи стильтэй, донжтой хувцасладаг юм чинь дэлгvvр нээвэл болно" гээд л зєвлєж, санал хэлдэг байсан юм. Эхэндээ нэг их зориглодоггvй байсан. Сvvлдээ бодоод байсан чинь уран бvтээлийн хажуугаар жижиг, том нь хамаагvй бизнес эрхлэх нь зєв юм гэж vзээд "N fashion" дэлгvvрээ нээсэн юм. "PLatinium shopping center''-ийн байрлал, орчин, хvрээлэл нь таалагдсан.

-Шинэ ажилдаа хэр дасч байна даа?
-Би аяллаар, амралтаар, тоглолтоор янз бvрийн шугамаар гадагшаа явдаг. Тэгээд ч эмэгтэй хvн болгон дэлгvvр хэсэх дуртай шvv дээ. Ер нь шинэ ажил маань надад нэг их зовлонгvй санагдсан, огт тvvртэхгvй байгаа.

-Ингэхэд vнэ буулгах найраанд хэр орж байна. Vйлчлvvлэгчдээ яаж татъя гэж бодож байгаа вэ?
-Хамгийн гол нь хvмvvсийг хувцасны сонголтоор татах бодолтой байна. Аль болох сонголттой, чанартай, vнийн хувьд бололцооны байлгахыг хичээж байгаа. Гэхдээ брэнд гэдэг бол тэртээ тэргvй чанартай, тэр хэрээрээ vнэ нь єндєр байдгийг хvмvvс мэддэг байх. Хааяа ярилцаж байгаад цєєхєн хэдэн тєгрєгєєр буулгачихдаг л юм.

-Хувцаснуудаа єєрєє явж авчирдаг юм уу?
-Азийн орнуудаас авчирах бараагаа єєрєє сонгодог. Европ, Америкт манай тєлєєлєгч ажилладаг. Тэндээсээ сонголтоо хийгээд оруулж ирдэг, Одоохондоо албан ёсны дистрибьютер болж амжаагvй байгаа. "Zara", "Mango", "Мехх", "Only", "Vera Moda" гэх мэт алдартай брэндvvдээс гадна хvмvvс тэр болгон мэдэхгvй ч чанар сайтай брэндийн хувцаснуудыг оруулж ирдэг. Хувцаслалт бол хvний єндєр соёл. Мєн тухайн хvний боловсрол, зан характер, нийгэмд эзлэх байр суурь гээд бvх л зvйлийг нь илэрхийлж байдаг. Хvнийг хувцсаар нь угтаж, ухаанаар нь vддэг гэдэг vг байдаг шvv дээ.

-Урлагийнхан танай дэлгvvрээр нэлээн ирдэг гэж сонссон?
-Тэгэлгvй яахав. Ялангуяа эмэгтэй дуучид их ирдэг. "Гурван охин", "Киви"-гийн охид, "Нero"-гийн Ундраа ирж vйлчлvvлдэг. Дээр нь манай найзууд гээд л vйлчлvvлэгчид олонтой болсон шvv. Ирсэн хvмvvс миний сонголтод дуртай байдгаа хэлдэг юм.

-Шинэ бизнест нєхєр тань яаж хандаж байна вэ?
-Би эхэндээ жаахан сэтгэлийн хєєрлєєр хандах гээд байсан. Нєхєр маань жижиг, том ямар ч ажлыг эхлvvлэхийн ємнє хvн бодох, судлах хэрэгтэй. Байрлалаас гадна ямар хvрээллийн хvмvvс орж ирж байна гэдэг нь их чухал шvv гээд л зєвлєнє. Санаа оноо, туршлага тал дээр илvv хэлж заадаг. Ялангуяа бизнесийн эрсдэл зэргийг их тооцоолох ёстой юм билээ. Харин дэлгvvрийн ерєнхий асуудлаа би єєрєє хариуцдаг. Манай хvн єєрийн бизнесээ эрхэлдэг. Тэр болгон миний ажилд оролцоод байдаггvй. Тэгээд ч би єєрєє багаасаа биеэ даачихсан болохоор бvх зvйлийг єєрєє хийх гээд байдаг зантай.

-Уран бvтээлийн хувьд ямар шинэ сонин дуулгах вэ?
-Одоогоор уран бvтээлээ завсарлаад байгаа. Охин маань ч бага байна. Тодорхой хэмжээгээр энэ бизнесээ хєл дээр нь зогсоогоод, дахиад нэг салбараа нээх тєлєвлєгєє байна. Уран бvтээл бол миний олон жил хийсэн, гаршсан ажил учраас хэсэг хугацааны дараа vргэлжлvvлж болно.

-Арай ингээд тайзнаас бvр буучих юм биш биз дээ?
-Шинэ дуу л хийхгvй байгаа болохоос энд тэндхийн олон нийтийн арга хэмжээ, баяр ёслолд оролцож байгаа шvv дээ.

-Охин чинь одоо овоо том болж байгаа байх аа?
-Ирэх сард нэг ой хvрнэ. Охинтойгоо цагаа єнгєрvvлнэ гэдэг миний хамгийн том ажил болоод байна. Ажлынхаа хажуугаар уран бvтээлээ хийгээд явна гэхээр охиндоо олдохгvй болчих гээд байгаа юм. Манай охин эрхлээд л идээд, унтаад л, салхинд гараад л байж байна. Анх тєрєхєд нь "Хэзээ том болох бол оо" гэж байсан чинь их хурдан юм аа. Хэрэндээ л охиндоо цаг гаргаад байгаа. Гэхдээ санасанд хvрэхгvй юм. Цаашдаа бvр их цаг гаргана гэж бодож байгаа.

-Их халамжтай ээж байх нь?
-Тэгэлгvй яахав. Охин маань их адтай, бас хєгжмийн мэдрэмж сайтай. Ой ч хvрээгvй мєртлєє хєгжим сонсоод л дагаж хєдлєєд байдаг. Бvжиглэж байгаа нь тэр.

-Та нэлээн жин хасжээ?
-Ер нь охиноо тєрvvлсний дараахан нэлээд таргалсан. Одоо тураад хэвийн болоод байна. Шинэ ажил эхлахээр гvйсээр байгаад турчих юм.