Хүн хүнээ таних амаргүй, Тэр тусмаа эмэгтэй хүнийг таних бүр ч хэцүү гэдэг. Тэгвэл өөртөө нэг их төвөг удахгүйгээр бүсгүйгээ хэн болохыг нь таньж болно гэж сэтгэл зүйчид үзэж байна. Юуны түрүүнд танилцсан бүсгүйгээ мөхөөлдсөөр дайлаарай. Чухам ямар төрлийн мөхөөлдөс сонгож байгаагаар нь тэp бүсгүйгээ тодорхойлж болдог гэнэ шүү.

Хувьсамтгай:
Шоколадтай мөхөөлдөст дурлагчид ихэвчлэн тогтворгүй зан төрхтэй байдаг. Тэд амьдралд байж болох бүх л таашаал цэнгэлийг амсахыг хүсдэг бөгөөд хөнгөн маасагнаанд үргэлж бэлэн байдаг Тэдний хайр нэг зуны настай байх нь олонтаа. Хувьсамтгай, барьцгүй ааштай боловч түр зуурын харьцаанд тун элэгсэг зантай байж чаддаг.

Спортлог:
Илчлэг багатай, кальци ихтэй мөхөөлдөст дурладаг хүүхнүүд. Тэдний хувьд бие махбодиос нь өөр үнэтэй зүйл байхгүй. Биеийн тамираар хичээллэдэг, хоол ундаа зохицуулж чаддаг эрчүүдтэй харьцах дуртай.

Ажилсаг:
Вафлитай мөхөөлдөст дурлагчид. Гэрийн сайн эзэгтэй. Сарны гэрэлд хайрын дуу дуулаад ч ийм хүүхнүүдийн сэтгэлийг хөдөлгөж чадахгүй.

Хүйтэн хөндий:
Эскимо буюу тэгш өнцөгт хэлбэртэй, иштэй мөхөөлдөст дурлагчид өөртөө итгэлтэй, зорилготой байдаг бөгөөд эрчүүдийн толгойг хүссэн зүгтээ эргүүлдэг. Харин 40 нас хүрээд амьдралдаа нухацтай хандаж, үр хүүхэддээ анхаарал халамж тавьж эхэлдэг. Гэхдээ хүүхдийн эцэг нь эд материал, өнгө үзэмж, боловсролын талаар дээд түвшинд байх ёстой гэж үздэг.

Хөгжөөнтэй:
Тэдний хувьд ямар мөхөөлдөс идэх нь хамаагүй. Бүх л зүйлд (эрчүүдэд ч мөн адил) хөнгөн ханддаг. Чин зүрхнээсээ баясч, яльгүй юман дээр ч инээдэг.

Мөрөөдөмтгий:
Бортгон хэлбэртэй мөхөөлдөст дуртай хүмүүст юуны түрүүнд тайван орчин руу тэмүүлдэг. Баглаа цэцэг, лааны гэрэлд хооллох гэх мэт зүйлд дуртай. Ямар ч нөхцөлд сайн нөхөр байж бусдын зовлон гунигийг ойлгож чаддаг. Гэсэн ч өөрөө тун эмзэг хүн.

Хувиа хичээгч:
Жимсний мөхөөлдөст дуртай хүүхнүүд амьдрал дээр тааруухан эхнэр байдаг. Тэд амьдралаас аль болох их таашаал авахыг эрмэлздэг. Эрчүүдийг амьдралын зөвхөн нэг хэсэг гэж үздэг.