Та өөрийгөө зөв үнэлж дүгнэж чаддаг уу. Хэрэв чаддаггүй бол хэрхэн яаж өөрийгөө зөв үнэлж чаддаг болох вэ гэсэн асуудал аяндаа гарч ирнэ. Иймд дараах зөвлөгөөнүүдийг анхааралтай уншаарай. Танд тус болно гэдэгт итгэлтэй байна.
-Өөрийн алдаандаа зөв дүгнэлт хийж сур.
-Хэрвээ та буруу юм хийвэл гэмшихээсээ өмнө алдаагаа зөвөөр ухаарч ойлгохыг хичээ. Энэ чинь таныг хүн юм шүү гэдгийг баталж байгаа хэрэг.
-Аз жаргалтай байх өөрийн гэсэн арга барилыг эзэмш.
-Өдөр болгон өнгөрснөө санан дурсаж, аль сайн сайхан талыг нэхэн бод.
-Сэтгэлдээ таарсан ажил олж хий. Тэгвэл та сэтгэл хангалуун баяртай явах болно.
-Эргэн тойрныхоо хүмүүст би ямар бодол төрүүлж байгаа бол гэж битгий их зов. Тэд ч бас л тэгж бодож байгаа.
-Цаг тухай бүрд өөрийгөө цэгнэн бодож бай.
-Аяндаа турна биз гэх юмуу найз нөхөд бий болно биз гэж хүлээх хэрэггүй.
-Өдөрт заавал өөртөө зориулан нэг цаг гаргаж бай.
-Таны хэрэгцээ шаардлага бусдынхтай л адилхан чухал юм шүү гэдгийг санаарай.
-Тавьсан зорилгодоо хүрэхийн төлөө ажилла.
-Танд цаг зав, эрч хүч, сэтгэлийн тэнхээ хэрэгтэй гэдгийг санаж яв.
-Аль болохоор сэтгэлээ тайван байлга.
-Өдөр болгон бусдад гомдоллож, уруу царайлах хэрэггүй. Харин ч бүр сайхан юм бодож бай.
-Гаргасан алдаандаа битгий их гутар.
-Буруу юм хийсэн бол биеэ зүхэх хэрэггүй.
-Юуны түрүүнд өөрийнхөө сайн чанарыг олж хар.
-Бусдад "үгүй" гэж хэлж сур.
-Өөрөө дургүй мөртлөө бусдын шахалт шаардлагаар хийнэ гэдэг хамгийн утгагүй хэрэг.
-Танд ховын чанартай муу үг хэлдэг хүмүүсээс зайлсхий.
-Хорон үгний хариуг барих гэж хэзээ ч битгий зүтгэ.
-Хүнийг давах гэж оролдох нь өөрийгөө хүний олз болгодог.
-Баян тарган, эрдэм мэдлэгтэй хүнийг шүтэн бишрэх хэрэггүй. Тэд өөртэй чинь л адилхан хүмүүс.
-Бусдыг өөртэйгээ адилхан байлгах гэж битгий сана. Хүмүүс гэдэг чинь бүгд ялгаатай улс шүү дээ