Толигор арьс
Хүний биеийн хамгийн чухал хэсгийг арьс эзэлдэг. Түүнд маш олон тооны мэдрэлийн судас болон түүний төгсгөлүүд, мөн хөлсний булчирхай, цусны маш нарийн судаснууд байна. Арьс нь биеийг халуун хүйтнээс хамгаалж шингэн болон жингээ алдахаас сэргийлдэг. Арьсаа сайн арчилж байх хэрэгтэй. Үүний тулд зөвхөн гадна талаас нь төдийгүй дотор талаас нь анхаарах хэрэгтэй. Арьсанд үнэн хэрэгтээ маш бага цус байдаг бөгөөд зайлшгүй хэрэгцээт бодисуудыг түүгээр дамжуулж авдаг. Тиймээс арьсанд амин дэм болон микро элемэнт хангалттай хэмжээгээр хэрэгтэй байдаг. Дээрх нарийн тэжээлэг бодисууд нь арьсны дотоод байдлыг сайжруулж түүний шим тэжээлийг хангадаг. Гэхдээ энэ байнга шинэчлэгдэж байдаг бөгөөд зөвхөн дээд үед л үйлчилдэг. Арьсыг гөлгөр бөгөөд уян хатан болгодог бодисыг колаген гэдэг. Энэ нь арьсыг өөхлөг үеээр бүрхэж өгдөг. Коллаген гэдэг нь уургийн нэгдэл юм. Энэ нь витамин С болон цинкийн үйлчлэлээр үйлчлэлээр бат бөх бүрхүүл болон хувирч уян хатан ширхэгүүдээр бэхлэгддэг. Коллаген усыг өөртөө татан авч арьсны харимхай шинжийг бий болгодог. Хэрвээ та шингэн зүйл бага хэрэглэвэл өөхлөг үе чинь сул болно. Хэрвээ та сүү, бяслаг, загас, шувуу, үхэр, хонины мах, жимс жимсгэнийг өдөр тутмын хоол хүнсэндээ хэрэглэх нь коллаген үүсэх үндсэн нөхцөл болно.

Гэрэлтсэн нүүр
Хүний нүдэнд эн тэргүүнд тусдаг зүйл бол тухайн хүний нүүр царай байдаг бөгөөд тэр тусмаа нүд бол хүний сэтгэлийг харах цонх байдаг. Хэрвээ нүд гялалзсан, өнгөлөг харагдвал бид хүмүүст өндөр сэтгэгдэл төрүүлж чадаж байна гэсэн үг. Нүд бүх зүйлийн тухай өгүүлж чадна. Иймээс баяр баясгалан, уйтгар гуниг, өвчин зовлонг хүний нүднээс харж болно. Нүдний энэ сайхан нь хүний дотоод байдалд бүр цаашилбал налгар тайван амьдралын хэв маягаас үүсэлтэй. Үүнд витамин В-ийн төрлүүд ялангуяа витамин В12 нөлөөлдөг. Эдгээр амин дэмүүд нь бидний нервт нөлөөлөх гол хүчин зүйлүүд болдог. Хэрвээ хүний биед В амин дэм дутагдвал мэдрэлийн судас чинэрч, хүн цухалдуу, уцаартай болдог. Нүд тэжээллэг бодисыг маш амархан хүлээж авдаг. Нүдний хараанд витамин А болон түүний провитаминууд болох каротинууд маш чухал. Хэрвээ жижигхэн лууванг бага хэмжээний ургамлын тосонд жигнэж хэрэглэвэл нүдэнд хамгийн тэжээлтэй хүнс болно.

Арьсны шинэ эсүүд
Арьс биеийг халуун, хүйтэн, хуурайшилт, чийгшилт, химийн бодисын нөлөөнөөс үргэлж хамгаалдаг. Арьсаа үлбэгэр үхээнц байлгахын тулд үргэлж тэжээллэг амин дэмээр баялаг хүнс хэрэглэх хэрэгтэй. Тэгэхийн тулд арьсны үндсэн үеийг тогтмол сэргэээж байх хэрэгтэй. Арьсны хамгийн гол витамин нь С, А, Е, ба Д юм. Тэд арьсыг сэргээж байдаг. Эдгээр витаминууд эцсийн шинэчлэлийг хииж байдаг. Энэ нь тохиромжтой орчинд хийхгүй бол арьсны доорхи эсэнд ххучирсан муу уураг, молекул болон холестрин нэвчин орж арьсанд үрчлээ гарах хэмжээнд хүргэнэ. Үүнийг шинэхэн хан боргоцойн шүүс зогсоож чадна. Энэ шинэхэн жимс дотроо бромелайн, уураг агуулсан байдаг.

Гялалзсан үс ба бөх бат хумс
Бие тань өвчтэй байна уу эрүүл байна уу гэдгийг таны үс болон хумс илтгэнэ. Хүн хэрвээ эрүүл бус хүнс хэрэглэвэл ходоод хямарч, гэдэс дотрын хэвийн үйл ажиллагаа алдагдаж үсэнд байх ёстой бодис дутагдаж улмаар үс гялалзахаа больж, хумс ч хэврэг болдог. Хүний үсний 97% кератинаас бүрддэг. Хэрвээ хүн хоол хүнсэндээ уураг бага хэрэглэвэл, үс шингэрч гялалзахгүй болдог. Үүнд уураг хамгийн чухал үүрэг гүйцэтгэнэ. Үүнийг жимс, ногоо, үр, өөхгүй мах, загас хангана. Амьтны гаралтай уургийг илүүтэйгээр хэрэглэвэл бие махбодын хүчил ихдэж улмаар бие өвчлөмтгий болдог. Үс өнгөлөг бат бөх байхад цайр гол үүрэгтэй. Цайранд витамин В агуулагдаж байдаг тул хүний үс бууралтахаас хамгаалдаг. Бууралтахаас сэргийлэхийн тулд долоо хоногт 3-4 удаа өндөг хэрэглэх хэрэгтэй. Эрүүл сайхан үстэй байх нь аминокислет болон эрдэс бодисоос шалтгаална. Үсэнд цайр, кобальт хром, магни, зөгийн бал хэрэгтэй. Мөн үсэнд маск тавих нь маш их үр нөлөө үзүүлдэг. Ингэснээр өнгөгүй хугарамтгай үс бат бөх эрүүл болдог. Үс нь хүнийг хүйтэн нойтноос хамгаалж байдаг. Борооны ус үс арчлах чухал хэрэгсэл болдог. Бороонд малгай өмсөлгүй алхаад дараа нь хаттал нь арвал үс гялалзсан, эрүүл болдог(энэ үйлдлийг 2 долоо хоногийн турш хийвэл сайн). Хэрвээ тааны үсэнд хаг үзэгдэж эхэлвэл энэ нь таны дотоод шүүрлийн булчирхайтай холбоотой. Чөлөөт радикалууд нь арьсны эсэнд орж улмаар уураг, өөх тостой түлхэлцэнэ. Ийм тохиолдолд радикалуудыг устгах замаар А, Е, С витаминуудыг хэрэглэнэ. Хумсыг тань бөх бат байлгахад эрдэс бодис болон витмамин В-ийн төрлүүд шаардагдана. Хэрвээ хүн өдөр бүр жимс, ногоонуудыг хоол хүнсэндээ хэрэглээд байвал үс гялалзсан өнгөлөг болж хумс ч эрүүл байх болно.