Н.Энхбаяр Н.Багабанди нарын зөрчил юунаас эхтэй вэ?

Энэ хоёрын зөрчлөөс болж Монголын төр засаг, Монголын нийгэм, Монголын ард түмэн, Монголын ирээдүй их хохирч байна. Энэ удаагийн сонгуульд ч гэсэн энэ хоёрын зөрчил оргил болж цаашдаа бас хурцдан үргэлжлэх нь тодорхой боллоо. МАХН-ын идэвхитэй гишүүн, УИХ-ын гишүүн асан Далайхүү саяхан намын найз нөхөддөө ийм зүйлийг ярьжээ. Далайхүү ярихдаа, "Би энэ хоёрын зөрчлийг зохицуулах гэж их оролдсон. Н.Багабанди дээр хэд хэдэн удаа орсон. Та хоёр зөрчилдөхөө болиоч ээ, та хоёрын зөрчил бидэнд хэцүү байна, бас намд хэцүү байна, улсын ажил явуулахад их хэцүү байна. Н.Энхбаяр та хоёр зөрчлөө зохицуулахгүй бол улс орны хувь заяанд ч хэцүү болох нь. Та настай намбатай ахмад хүн, та эхэлж цагаан сарын өмнө Энхбаяртай гар барь" гэж хэлэхэд Н.Багабанди, "Би Н.Энхбаяртай зөрчилдөх сонирхол алга, би гар барихад бэлэн байна. Хамгийн гол нь тэр хүн миний үгийг тоох юм уу, намайг утастахад утсаа тасалдаг хүн шүү дээ" гэж хэлсэн байна. Далайхүү Н.Энхбаяр дарга дээр орж "Та хоёр зөрчлөө зогсоогооч ээ. Би Н.Багабандитай уулзлаа. Н.Багабанди өөртэй чинь гар барихад бэлэн байна" гэхэд Н.Энхбаяр "Би түүнтэй хэзээ ч...." гэж хариулсан байна. Далайхүү: "Энхбаяр,Багабанди нарын зөрчлийн шалтгаан Н.Энхбаярт байгаа юм гэж хэлсэн байна. Н.Багабанди Н.Энхбаярын байдалд маш тэвчээртэй, хүлээцтэй хандсан. Тэр ч байтугай Н.Энхбаярыг намын дарга болгох, Завханы 21-р тойрогт нэр дэвшүүлэн УИХ-ын гишүүн болгох, тэр ч байтугай өнгөрсөн зун ялагдах гэж байхад нь аврах гэж бас явсан байна. Гэвч улсынхаа эрх ашгийг бодоод УИХ-ын чуулган дээр сүүлчийнхээ үгийг хэлэхдээ нэлээд шүүмжлэлтэй хандсан. Энэ шүүмжлэл бол Н.Энхбаярт хандсан шүүмжлэл байсан. Тэр ч байтугай цагаан сараар үг хэлэхдээ урт шар дээлтэй хүний учруулж болох аюулаас сэрэмжлэхийг монголын ард түмэнд сануулсан. Урт шар дээлтэй хүн гэдэг нь Намбарын Энхбаяр гэдэг нь тодорхой. Н.Энхбаяр МАХН-ын дарга болонгуут ардчилсан хүчний зарим хүмүүстэй хуйвалдаж ардчилсан холбоо эвслийн олон засгийн газрыг огцруулсан. Засгийн газруудыг огцруулах бүрд Энхбаяр нэмэх оноо авч нэр хүндээ өсгөж байсан. 1997, 2001 онд П.Очирбат, Р.Гончигдорж нарыг унагасан шалтгаан бол Н.Энхбаярын одоогийнхийг бодвол маш өчүүхэн байсан. Тухайлбал Р.Гончигдоржийг хятад авгайтай, МАХН, НАХЯ-ын нууц мэдээлэгч, төрийн хутган үймүүлэгч урваач, бас улсын хөрөнгийг идсэн гэдэг шалтгаанаар түүний өндөр рейтингийг унагаж байсан. Тэр нь өнөөгийн Н.Энхбаяртай харьцуулбал юу ч биш байсан. Тэгвэл Н.Энхбаяр аймшигтай хор найруулагч төрийн жинхэнэ хутган үймүүлэгч. Өнөөдрийн өндөрлөгөөс эргэн харахад Н.Энхбаяртай холбоотой хоёр аймшигтай зүйл ажиглагдаж байна. Нэгдүгээрт түүний дэмжигчид нэг үгээр хэлбэл ойр дотно байсан хүмүүс нь хэлмэгдсэн байна. Хоёрдугаарт түүнийг шүүмжилсэн хүмүүс бас хэлмэгдээд зогсохгүй олон хүн таалал төгсөж нөгөө ертөнцөд оджээ. 2000 онд ч билүү шог зохиолч Цэнддоо, Н.Энхбаяр бидэнд бурханы чандарыг үзүүллээ. Одоо Н.Энхбаяр бидний чандарыг бурханд үзүүлэх юм биш биз дээ гэж хошигнох аястай мөртлөө гашуун үнэнийг хэлсэн юм. Энэ бол аймшигтай үг шүү. Хэрэв монголд дарангуйлал тогтож Н.Энхбаяр хэмээх дарангуйлагч гарч ирвэл бурхан монголын ард түмний гашуун чандарыг үзэж магадгүй шүү. Н.Энхбаярын засаглалын үед цөөхөн хүн баяжиж монголын ард түмэн улам хоосрон ядуурсаар байна. Ядуучууд өнөөдөр саарал ордны хоёр талд нэг нь хөгжлийн төлөө хөдөлгөөнийхөн болж нөгөө талд нь эрүүл нийгмийнхэн жагсаж байна. Монголын ядуучууд ийнхүү хоёр талцан улаан цусаа гартал зодолдоход ойрхон болсныг өнгөрсөн хугацааны үйл явдлууд харуулж байна. Дээр бид өгүүлснээр Н.Энхбаяр аймшигт хор найруулж байна. 1997-2000 онд засгийн газруудыг огцруулсан бүхий л үйл явдалд Н.Энхбаяр холбоотой. Энэ тухай сонин хэвлэлүүдээр зөндөө гарч байсан.

БААБАР "Аалзны тор-4" өгүүллээ өөрөө устгажээ

Нэрт нийтлэлч Баабар "Би цаашдаа юу ч бичихгүй, би охинтой хүн шүү дээ" гэж халамцуухан утастсан тухай бид бичиж байсан. Түүнд сэтгэлээр унах ноцтой шалтгаан байжээ. Баабар "Аалзны тор-4" өгүүллээ бичиж дуусгаад байсныг яагаад ч юм цаадуул нь мэдчихжээ. "Аалзны тор" өгүүлэл нь ХХБ-ны хувьчлалын булхайг илчилсэн цуврал болохыг та бүхэн мэднэ. "Аалзны тор 4"-ийг олон нийтэд хүргэхгүйн тулд Баабарыг охидоор нь барьцаалж дарамталсан нь үнэн юм байна. Баабар дарамтлагчдад харуулж байгаад "Аалзны тор-4" өгүүллээ устгасан байна. Ингэж улайрахыг бодоход тэр өгүүлэлд туйлын чухал баримтуудыг багтаасан байх магадгүй юм. Үүнээс хойш удалгүй Баабарын элэг муудаж эмчлүүлэхээр явсан билээ.