Бямба гаригт Хойд Солонгос улс Япон улсын онгоцнуудыг буудна хэмээн сүрдүүлсэн байна. Тэд Японы онгоцнуудыг Хойд солонгосын агаарын шугамд орж, пуужин харвах хэсэгт тагнуул хийсэн хэмээн буруушаажээ. Хойд Солонгос U.N. -н шийдвэрийг үл тоомсорлож 6 сарын 25-наас 7 сарын 10ны хооронд цэргийн дадлага хийж, ойролцоох өдрүүдэд богино хугацааны болон урт хугацааны пуужин харвахаа мэдэгдсэн юм.
Хойд Солонгосын нисэх хүчний хэлж байгаагаар Японы E-767 хэмээх хяналт ажиглалтын онгоц лхагва, пүрэв гаригуудад зүүн хойт хэсэгт байрлах Мусаданри пуунжингийн ойролцоох газруудаар агаарын тагнуул хийсэн юм байна. Хойд Солонгосын албаны хүмүүсийн мэдээлж байгаагаар тэдний нисэх хүчин Японы хийж байгаа өдөөн хатгалгын үйл ажиллагааг тэсвэрлэж чадахгүйгээ хатуу мэдэгдсэн төдийгүй, хэрвээ Хойд Солонгосын нутаг дэвсгэрт 0.001 мм ойртох аваас хайр найргүй онгоцнуудыг буудаж унагаах болохоо мэдэгджээ. Энэ талаар Японы аюулгүй байдлын албанаас мэдээлэл хийхдээ Японы онгоцууд Хойд Солонгосын талаар мэдээлэл цуглуулж байгаагаа хэлсэн боловч чухам ямар онгоц, ямар газруудаар хяналт хийсэн болохоо хэлээгүй байна. Өмнө нь АНУ-н нисэх онгоцнууд тагнуул хийсэн гэсэн шүүмжлэл байнга гарч байсан ч Японд шүүмж гаргаж байсан удаа маш цөөхөн юм. Япон Хойд Солонгосын пуужин харвах үйл ажиллагаанд нилээд эмзэг хандаж байгаа нь ойролцоо байрлалтай нь холбоотой биз. 1998 онд Хойд Солонгосын пуужин Японы нутаг дэвсгэр дээгүүр нисч байсан юм. Үүнээс хойш Япон АНУ-тай хамтарч пуужингаас хамгаалах хамгаалалтанд хэдэн тэрбум долларыг зарсан бөгөөд Хойд Солонгосд хийгдэж буй шинэ дэвшилтүүдийг тагнаж байх дагуулуудыг бүтээсэн байна. Гэвч 4 сард дахин Японы дээгүүр пуужин нисгэснээр Японы талаас илүү их хамгаалалтыг шаардсан юм.
http://news.yahoo.com/s/ap/20090627/ap_on_re_as/as_koreas_tensions |
пукан