Дорнын гэрэлт шөнөөр нүцгэн гоо бүсгүй
Донж төгс галбираа мэдрэн ихэмсэг янаглана
Дэндүү тачаангуй амраг хос загас наадаж
Дэвүүр сормуус шиг сарны гэрэлд ойж бууна
Удвал уруулын амтанд ухаангүй шунан тачааж
Улайрсан бух шиг эрийн бүх бие хөвчирнө
Хүдэр эрийн цээжинд хярсан гоо бүсгүй
Хүсэл тачаалын урхинд хөлөртөлөө хөдөлнө
Бумбан хөх нарийн бэлхүүс тонтгор бөгс
Булбарай торгон арьсыг өндгөөрөө илэн тэмтрэж
Бүсгүй галбир таалан эрийн сэрэл дзрэлзэнэ
Бүгээн шөнө хайрын галд шатмаар санагдана
Энгэр зөрүүлэх шиг жаргал орчлонд алга гэж
Эр эмийн амтыг мэдэрсэн амраг хос тачаахад
Орчлонгийн явдлыг умартаж янагийн ертөнцөд очмоор
Огт өөр диваажингийн орноо жаргаж үзмээр
Шав шалдан гоо бүсгүй нүцгэн эр хүнтэй
Шар сарны дор ухаан жолоогүй янаглана
Хөлөрсөн биесийн үнэрт эр эм мансуурч
Хөлгүй сансарын мандалд хөвөх шиг санагдана
Дурлалын бал бурам хайрын гал ус нэвчин шингэж
Дуртмал харц будангуйрч ичингүйрлийг мартан амьсгаадна
Янаглан таалж ялгуун амтыг мэдрэн дур тавина
Янаг хорвоод тачаалын эрхэнд дахин автана
Дорнын гуа шөнө нүцгэн амраг залуус
Дурлалдаа мансуурч дуу алдан загас наадна