Хойд Солонгосын дэг­лэм цөмийн хөтөлбөрөө урагшлуулахын зэрэгцээ мэдээллийн дайн өрнүү­лэх хүчин чадлаа нэмэг­дүүл­­сээр байна хэ­мээн Сөүл үзэж бай­на. Ким Чен Унаар удир­дуулсан хойдууд кибер довтолгоо буюу бусад ул­сын компюьтер, цахим сүлжээнд нэвтэрч хорлон сүйтгэх ажиллагаа явуу­лах чадвартай ажилтнуу­дынхаа тоог мэдэг­дэхүйц нэмэг­дүүл­жээ. Өмнөд Солонгосын цэр­гийн төлөөлөгчийн мэдээлс­нээр, Пхеньяны кибер арми долоон мянга орчим хакертай болжээ. Ким Чен Уны дэглэм өнгөрсөн аравдугаар сард компьютерийн сүл­жээнд элдэв ажиллагаа явуу­лахын тулд энэ сал­барын мянга орчим мэргэжилтнийг бэлтгэж эг­нээндээ нэгтгэснээр тус улсын кибер армийн цэр­гийн бие бүрэлдэхүүн зур­гаан мянга 800-д хүрчээ.

“Хойд Солонгос мэ­дээл­лийн дайн өрнүү­лэх хүчин чадлаа нэмэг­дүү­лэхэд анхаарлаа хандуулж байх шиг байна. Мэдээж тэд цөмийн, пуужин­гийн хөтөлбөрөө хөг­жүү­лэх санаархлаа ор­хиогүй” хэмээн Өмнөд Солонгосын цэргийн тө­лөөлөгч “Ионхап” агент­лагт ярьжээ. Мөн Хойд Солонгосын зэвсэгт хүчин цахим сүлжээ, зэвсгийн удирдлагынхаа аюулгүй байдлыг хамгаалах болов­сон хүчнийхээ тоог хэдэн зуугаар нэмжээ.

Өнгөрсөн оны арав­ду­гаар сард Өмнөд Солон­госын хэд хэдэн цөмийн цахилгаан станцын цахим сүлжээнд нэвтэрч, эдгээр байгууламжийн талаарх нууц мэдээлэл алдагдсан цахим довтолгооны ард Хойд Солонгосын дэглэм байгаа хэмээн Сөүл хардаж байна. Бас АНУ-ын “Sony Pictures Entertainment” кибер довтолгоонд өртсөн нь Пхеньянаас улбаатай хэмээн Вашингтон үзэж байсан билээ. Хакерууд “Sony”-ийн ца­хим сүл­жээнд нэвтэрч ком­па­нийн гурван мянган ажилт­ны хувийн мэдээлэл бо­лон дэлгэцэнд гараагүй хэд хэдэн киноны талаарх мэдээллийг хуулж авсан юм. Энэ довтолгоог хий­сэн кибер дээрэмчид өөрс­дийгөө “Энх тайвныг хам­гаалагчид” хэмээн нэр­­лэж, “The Interview” хэмээх Ким Чен Уны амь насанд халдаж буй тухай киног дэлгэцэнд гар­­гахгүй байхыг са­нуулж сүрдүүлсэн аж. Хол­бооны мөрдөх тов­чоо­ноос явуулсан мөр­дөлт, шалгалтын эцэст дээрх довтолгоог Хойд Солонгосоос удирдаж най­руулсан хэмээн үзсэн юм. Ким Чен Уныг гутаан доромжилсон “The Interview” хэмээх уран сайхны киног дайнд өдөн дуудсан яв­дал хэмээн үзсэн Пхеньяны засаг захиргаа “Sony”-г хакердсан хэ­рэгт оролцоогүй хэмээн мэдэгдсээр байна.

Н.МӨНХЖИН