ОХУ-ын баруун өмнөд хэсэгт орших Дагестаны бүгд найрамдах улсын Chirka тосгонд нэгэн фермер хонио хургалахыг тэсэн ядан хүлээж байсан боловч эцэст нь олныг цочирдуулам хэрэг болжээ. Ноён Blasius Lavrentiev тухайн хонио хээлтсэнийг нь мэдээд хургаа зарж борлуулан дахин мөнгө олох боломжтой боллоо хэмээн ихэд баяртай байжээ. Гэвч тэр шоконд орсноосоо зүрх нь зогсон үхэх шахжээ. “Би юу болж байгааг харахаар очтол нүүр дүүрэн үстэй хөгшин хүний царайтай хурга байхыг хараад айсандаа үхэх шахсан” гэж Ноён Blasius Lavrentiev хэлжээ.

Хурганы эцэг эх нь энгийн л хонь байсан учраас түүнийг ийм царайтай төрнө гэж зүүдлээчгүй ажээ. Орон нутгийн малын эмч 49 настай Dorofei Gavrilov хэлэхдээ энэ бүхэн хурганы эхэд нь хэт их А витамин өгснөөс болсон гэжээ.

Харин хурганы эзэн яг л лотонд хожсон мэт байгаа бөгөөд учир нь орон нутгийн циркээс түүний хурганд энгийн хонинд төлдгөөс 10 дахин илүү үнэ төлөх санал тавьсан бөгөөд өөр ч хэд хэдэн санал ирээд байгаа гэнэ. Энэхүү хүн царайтай хурга тосгоныхны бүх анхаарлыг татаад байгаа юм.
Хөрш айлын 65 настай Dementi Galkin “Би амьдралдаа маш олон сонин зүйл харж байсан ч ийм зүйлтэй анх удаа л тааралдаж байна. Тэр хурга яг л том хамартай, царай муутай хөгшин эр шиг” гэж хэлжээ.

Мөн тосгоны оршиг шуугч 56 настай Dana Mishina “Тэр их этгээд ч яг үнэндээ түүнийг юу болохыг нь мэдэхгүй байна. Миний ач зээ нар түүнийг хараад айсан. Тэр өсөөд том болохоороо ямар царайтай болох нь үнэхээр сонирхол татаж байна ” гэжээ.

Гэвч хурганы эзэн Blasius Lavrentiev “шалтгаан нь юу ч байлаа гэсэн би түүнийг хэн нэгний оройн хоолны ширээн дээр байлгахыг эсвэл түүний төрхөнд нь болсон хүмүүст худалдахыг огт хүсэхгүй байна. Тэр цаашдаа ч бидэнтэй хамт амьдрах болно.” гэж хэлсэн байна