Монгол Улсын Ерөнхийлөгчийн урилгаар ОХУ-ын Ерөнхийлөгчийн Монгол Улсад хийж байгаа ажлын айлчлал эхэллээ.
15:03 өнөөдөр
Тэрээр Ерөнхийлөгч Ц.Элбэгдоржийн хамт Их Эзэн Чингис хааны хөшөөнд хүндэтгэл үзүүлж байна.
Дараа нь Төрийн ордны Баганат танхимд Ерөнхийлөгч В.В.Путин Хүндэт зочны дэвтэрт гарын үсэг зурж, хоёр Ерөнхийлөгч дурсгалын гэрэл зураг авахуулах юм.
14:55 өнөөдөр
ОХУ-ын Ерөнхийлөгч В.Путин Чингисийн талбай дээр хүрэлцэн ирлээ.
Монгол Улсын Ерөнхийлөгч Ц.Элбэгдорж ОХУ-ын Ерөнхийлөгч В.Путиныг угтан авлаа.
14:37 өнөөдөр
Монгол Улсын Ерөнхийлөгчийн урилгаар ОХУ-ын Ерөнхийлөгчийн Монгол Улсад хийж байгаа ажлын айлчлал эхэллээ.
ОХУ-ын Ерөнхийлөгч яг одоо албаны хүмүүсийн хамт тусгай үүргийн онгоцоор Чингис хаан олон улсын нисэх онгоцны буудалд газардлаа.
В.В.Путиныг Ерөнхий сайд Н.Алтанхуяг, Гадаад харилцааны сайд Л.Болд нар хүлээн авлаа.
Мөн орос хэлтэй сургуулиудын сурагчид хүлээн авах ёслолд оролцож байна.
Айлчлалыг ОХУ-ын 100 гаруй, манай улсад үйл ажиллагаа явуулдаг 30 гаруй гаднын агентлагийн сэтгүүлчид сурвалжлахаар ирсэн байна.
gogo.mn
