Холливудын алдартай жүжигчин Анжелина Жоли сайн дураар хоёр хөхөө тайруулж байхад Австралид гурван хөхтэй болох моод дэлгэрч, хүүхнүүд мэс засалчийн үүдэнд оочирлож байна.
Энэ бүхэн Сиднейн тэрбумтан Жон Кроулингийн мэдэгдлээс эхэлсэн гэдэг. Тэрбээр сэтгүүлчдэд ярилцлага өгөхдөө “Миний хоёр ч амраг маань 3 хөхтэй болох мэс засал хийлгэсэн” гэж ярьжээ. Яагаад гэсэн асуултад Жон зальтайхан инээмсэглээд “Энэ чинь хайрлаж энхрийлэх бас нэг эрхтэн нэмэгдэж байгаа хэрэг” гэсэн байна.
Интернэтэд тавигдсан гурван хөхтэй эмэгтэйчүүдийн зураг эхлээд олон нийтийг шоконд оруулж байсан бол сүүлдээ бүсгүйчүүд ийм мэс засал хийлгэх гэж гүйлдэх болжээ.
Гэхдээ ийм пластик мэс засал хийлгэхэд маш үнэтэй тул маш баян хүмүүс л хийлгэж боломжтой аж. Сиднейн туршилтын пластик мэс заслын төвийн ерөнхий мэс засалч Майкл Суокер “Эмэгтэйчүүдийн бараг 10%-д төрөлхөөс хөхний гурван булчирхай заяасан байдаг. Энэ гурав дахь булчирхай маш жижиг бөгөөд суган доор эсвэл цээжний голд оршдог. Бараг анзаарагдахгүй тул эмэгтэйчүүд өөрсдөө үүнийг мэнгэ гэж ойлгох нь бий” гэж ярилаа.
Анх гурав дахь хөхийг хийхийн тулд эхлээд тэр газартаа гель цутгадаг байжээ, яг л уруулыг силиконддог шиг. Гэхдээ л ийм хөх нөгөө хоёроосоо жижигхэн байв. Иймээс эмч нар силиконон хөх хийдэг шиг гурав дахь хөхийг бүтээх болжээ.
Эмэгтэйн өгзөг, эсвэл гуя ташааны арьсыг хуулж аваад уут болгон дотор нь силикон протез хийгээд хоёр хөхний хооронд оёод л болоо. Мэдээж, тэгш хэмийг баримтлах ёстой.