Арслан зааныг эртний хүмүүс идэж дуусгажээ Өчигдөр 11 цаг 53 минут Хүй нэгдлийн үеийн хүмүүсийн амьдралын хэв маяг, өлсгөлөн арслан зааны мөхлийн гол буруутан гэнэ. Ийм дүгнэлтэд Данийн эрдэмтэд хүрсэн байна. Тэд 100 мянган жилийн тэртээ болсон Мөстлөгийн үеэр тэдгээр хөхтөн амьтад мөхсөн гэх үзэл онолтой санал нийлэхгүй байгаа юм. Судлаачид компьютер загварчлалын тусламжтайгаар одоогоос 132 мянган жилийн тэртээгээс 1000 жилийн өмнөх үе хүртэлх дэлхий дээрхи амьдралын нөхцөл байдлуудыг нөхөн сэргээсэн бөгөөд тэр мөчлөгт имж, шилүүс, эртний уутат арслан зэрэг 177 төрлийн амьтдыг байршуулжээ. Ингээд тэд арслан заанууд хүнтэй ойр амьдарч байсан газруудад олноороо үхсэн болохыг олж мэдэв. “Бид Хүй нэгдлийн үеийн хүмүүстэй ойр амьдарч байсан амьтад түрүүлж мөхөж байсныг олж мэдсэн. Ямар ч байсан том хэмжээтэй амьтдын 30 хувь нь хүмүүсийн ойр орчимд устаж алга болсон. Хүн төрөлхтөн өсөж үржсээр эртний томоохон амьтад мөхөж үгүй болсон бололтой” гэж Данийн эрдэмтэд онцолжээ - See more at: http://www.wikimon.mn/content/55771.shtml#sthash.Ou5e5kh5.dpuf