Мэргэжлийн
сүмогийн 70 дахь, Монголын гурав дахь ёкозүна энэ намрын тэмцээнээс
төрлөө. Хэдийгээр холбооноос албан ёсоор зарлаагүй байгаа ч манай
Харүмафүжи сүмогийн оргил болсон ёкозүна цолыг ямар ч өөлөх юмгүй
хүртлээ. Урьд нь ёкозүна цолны төлөө хоёр ч удаа зүтгээд бараагүй
Харүмафүжи энэ удаад туршлагатай, хашир үзсэн.
Намрын тэмцээний өмнө Сүмогийн холбооноос түүнд түрүүлэх, эс бөгөөс 13 ялах, гэхдээ эхний 10 өдөр өвдөг шороодохгүй байх үүрэг өгсөн билээ. Мэргэжлийн сүмогийн 70 дахь, Монголын гурав дахь ёкозүна энэ намрын тэмцээнээс төрлөө. Хэдийгээр холбооноос албан ёсоор зарлаагүй байгаа ч манай Харүмафүжи сүмогийн оргил болсон ёкозүна цолыг өөлөх юмгүй хүртлээ. Урьд нь ёкозүна цолны төлөө хоёр ч удаа зүтгээд бараагүй тэрбээр энэ удаа туршлагатай, хашир үзсэн. Намрын тэмцээний өмнө Сүмогийн холбооноос түүнд түрүүлэх эс бөгөөс 13 ялах, гэхдээ эхний 10 өдөр өвдөг шороодохгүй байх үүрэг өгсөн билээ.
Харин озэки Барүто, Котошёогикү, Котоошюү нар гэмтэн, тэмцээнээ үргэлжлүүлж чадаагүй тул өрсөлдөгчид нь хөнгөрлөө гэж үзэн, ялалтын доод хэмжээг 14 болгон нэмсэн. Гэвч Харүмафүжи сандарч тэвдсэнгүй урамтай сайхан барилдсаар сүүлийн өдөр ёкозүна Хакүхог ялж, ганц ч уналгүй хоёр тэмцээн дараалан түрүүлснээр ёкозүна цолыг гуйж биш гуядаж авлаа. Өнгөрсөн тэмцээнээс эхлэн тэрбээр 31 дараалан ялж байгаа нь түүхэнд наймдугаарт бичигдэх амжилт. Тэмцээний 14 дэх өдөр озэки Какүрюүг хоёрхон секундэд ялсны дараа Сүмогийн холбооноос хурал хийж, ёкозүна цол олгох эсэх талаар авч хэлэлцсэн байна. “Түрүүлбэл л ёкозүна болгоё” гэх мэт санал гарсан ч 14 ялалт бол дүрэмд заасан “Хоёр тэмцээн дараалан түрүүлэх, эсвэл үзүүрлэсэн амжилт гаргасан бөхөд ёкозүна цол олгоно” гэсэн заалтыг элбэг хангаж байгаа юм. Тиймээс холбооны шүүгчдийн зөвлөлөөс сүүлийн өдрийн барилдааны өмнө ерөнхийлөгч Китаноүмид Харүмафүжид ёкозүна цол олгох эсэхийг шийдэх хурлыг 26-нд хийх хүсэлтийг өргөн барьжээ.
Харин ерөнхийлөгч Китаноүми “Сүүлийн өдрийн барилдааныг харж байж шийднэ” гэж хариулсан юм. Ингэснээр Харүмафүжи Хакүход унаж, даваа тэнцээд нэмэлт барилдаанд бас ялагдвал аварга болох мөрөөдлөө хойшлуулахаас өөр аргагүй болох магадлал үүссэн. Мэргэжлийн сүмогийн сүүлийн долоон ёкозүна бүгдээрээ хоёр тэмцээн дараалан түрүүлж аваргын болзол хангасан. Харүмафүжи Нагояд 15 ялсан ч тавдугаар сарын тэмцээнд наймхан даваа авсан гэж өөлөх ояката ч байв. Сүмогийн холбооны ёкозүнагийн асуудал эрхэлсэн хорооны тэргүүн Цүрүта ч “Зарим барилдаанд зайлж, бултах үе байдаг” хэмээн шүүмжилж, байдал яаж ч эргэж магадгүй болсон үед тэрбээр Хакүхотой барилдлаа.
Манай
хоёр бөх хоорондоо 34 таарснаас Хакүхо 22-т нь ялж байсан. Барилдаан
эхлэнгүүт Хакүхо давхар барьц авсан ч Харүмафүжи хоромхон зуур барьцаа
солин давхар мавашины барьцанд хүрэв. Ийнхүү давуу байдалтай болсон
Харүмафүжи аваргын цээж рүү толгойгоо тулаад түлхэн дайрахад Хакүхо
дэвжээний захад тогтож чадлаа. Харин Харүмафүжи зогсолтгүй үргэлжлүүлэн
мэх хийсээр ялж, ямар ч асуудалгүй аварга боллоо. Тэрбээр хоёр тэмцээн
дараалан уналгүй түрүүлж, ёкозүна болсон нь их аварга Фүтабаяма,
Таканохана нартай зэрэгцсэн амжилт болж байгаа юм.
Японы Ерөнхий сайд Нода Ёшихико шагнал гардуулахдаа “Сүүлийн үед үзээгүй сайхан өрсөлдөөнтэй барилдаан хараад сэтгэл их хөдөлж байна” хэмээн цаашид энэ хоёр бөхийн өрсөлдөөн сүмог чимнэ гэж найдаж буйгаа илэрхийлсэн нь мэргэжлийн сүмод Хакүхо, Харүмафүжигийн үе эхэлж байгааг харуулах мэт. Харүмафүжи шагнал гардуулах ёслолын үеэр “Төрүүлж өсгөсөн аав, ээждээ баярлалаа.
Энэ тэмцээнд өдөр өдрийн барилдаандаа анхаарлаа хандуулан хичээж барилдаад амжилтад хүрсэндээ баяртай байна” гэв. NHK телевизийн сэтгүүлчийн “Ирэх тэмцээнд ёкозүна цолтой барилдана. Юу бодож байна” гэсэн асуултад “Ийм амжилтад хүртэл барилдаж байгаа минь өдий хүртэл тусалж дэмжиж ирсэн бүх хүний ач тус гэж бодож байна. Та бүхний ачаар л энэ цолд хүрч чадлаа. Цаашдаа дэмжигчдийнхээ итгэлийг алдахгүй сайхан барилдах болно” хэмээн хариулсан. Харүмафүжигийн хувьд 70 гэдэг тоо ихээхэн бэлэг дэмбэрэлтэй юм.
70 дахь их аварга болно хэмээн бэлгэдэн, үндэсний бөхчүүдтэй хийсэн “Их Монголын алтан одод” сагсан бөмбөгийн шоу тэмцээнд 70 дугаартай тоглож байсан бол машиных нь дугаарт ч 70-ын тоо орсон байдаг гэх. Мөн энэ намрын тэмцээн түүний мэргэжлийн сүмод орж, барилдсан 70 дахь башё нь болж байгаа юм. Өнгөрсөн Нагоя башёд 15-0-ээр түрүүлснийхээ дараа Монголдоо харьж, аавынхаа газар дээр очиж “Ёкозүна болно” гэж амласан тэрбээр ийнхүү зорилгодоо хүрч, их аварга боллоо.
МАКҮҮЧИ ЗИНДАА
Зүүн Цол Баруун
Хакүхо 13-2 Ё
Харүмафүжи 15-0 О Кисэносато 10-5
Котошёогикү 2-2 гэмтэл О Барүто 1-3 гэмтэл
Котоошюү 2-4 гэмтэл О Какүрюү 11-4
Миёогирюү 10-5 С Гоэйдо 8-7
Аойяма 4-11 К Точиношин 6-9
Шёохозан 7-8 М1 Кайсэй 7-8
Аран 3-12 М2 Гагамарү 4-11
Хоомашёо 9-6 М3 Тоёоношима 6-9
Аминишики 10-5 М4 Тоёохибики 7-8
Точиоозан 9-6 М5 Такэказэ 8-7
Токитэнкү 6-9 М6 Масүнояма 8-7
Миябияма 5-10 М7 Шёотэнро 6-9
Дайдо 7-8 М8 Окиноүми 11-4
Китатайки 6-9 М9 Такаясү 10-5
Ёшиказэ 7-8 М10 Вакакоюү 6-9
Кёкүтэнхо 10-5 М11 Ваканосато 7-8
Чиёотайрюү 6-9 М12 Такарафүжи 5-10
Асасэкирюү 8-7 М13 Тэнкайхо 6-9
Асахишёо 8-7 М14 Кимүраяма 6-9
Фүжиазүма 8-7 М15 Саданофүжи 5-10
Таканояма 6-9 М16
МОНГОЛ СҮМОЧДЫН АМЖИЛТ
Жюүрёо
З-2 Тамаваши Б.Мөнх-Оргил 9-6
З-10 Таканоива А.Баасандорж 7-8
З-14 Араваши Э.Дөлгөөн 5-10
Б-14 Ониараши Ө.Өлзийжаргал
3-12 Макүшита З-1 Кёкүшюүхо Т.Эрдэнэбаатар 6-1
З-5 Азүмарюү С.Тодбилэг 4-3
Б-8 Широнорюү Э.Одгэрэл 4-3
З-9 Сэйро А.Өнөболд 5-2
З-10 Кагамио Б.Нанжид 4-3
Б-12 Сакигакэ Я.Баттүшиг 2-5
Б-21 Вакамишёо Г.Ган-Эрдэнэ 2-5
Б-30 Рюүо Э.Санчирболд 5-2
З-36 Сэншёо Э.Баярбат 6-1
Б-42 Тайга С.Шаравнямбуу 5-2
З-45 Рюүонами Б.Буянжаргал 5-2
З-58 Тоорүгава Д.Ууганбаатар 4-3
Санданмэ
Б-7 Аратоши В.Цэрэндорж 4-3
Б-11 Чиёшёома Г.Мөнхсайхан 5-2
Б-42 Дайонами Б.Ууганбаяр 4-3
Б-97 Такакасүга Э.Энхманлай 4-3
