Бичлэгийн тоо 3,329
БНСУ-ын
нийслэл Сөүл хотноо болж буй “KOTFA-2012” олон улсын үзэсгэлэнд
Монголын аялал жуулчлалын холбоо амжилттай оролцжээ. 25 дахь жилдээ
зохион байгуулж буй уг үзэсгэлэнд 500 стэнд буюу үзүүлэн бүхий байр
байснаас Монголынх “Шилдэг маркетингтай стэнд”-ээр шалгарсан байна.
Монгол орны аялал жуулчлалын салбарыг дэлхийд өрсөлдөхүйц хэмжээнд хүргэх, аялал жуулчлалын улирлыг уртасгах, жуулчдын тоог нэмэгдүүлэх, Монгол орны нэгдсэн сурталчилгааг өндөр түвшинд хийх зорилгоор Монголын аялал жуулчлалын холбоо (МАЖХ) Байгаль орчин, аялал жуулчлалын яамтай хамтын ажиллагааны гэрээ байгуулсан юм.
Гэрээний дагуу “Чингисийн тоонот” ХХК, Сөүл дэх МИАТ-ийн төлөөлөгчийн газар хамтран Монгол Улсаа төлөөлөн үзэсгэлэнд оролцож, БОАЖЯ-наас гаргасан 500 ном, 300 DVD-г үзэгч дэд хүргэсэн бөгөөд тус улсын “The daily focus” сонинд Монгол орны аялал жуулчлалын талаар ярилцлага өгчээ. Үзэсгэлэнг 130.000 гаруй хүн үзсэн байна.
