Бичлэгийн тоо 3,329
Хичээл
сурлага, урлаг, спортоор амжилт гаргаж үеийнхнээ манлайлсан 49 хүүхэд
Монгол Улсын Шадар сайд, Хүүхдийн төлөө үндэсний зөвлөлийн дэд тэргүүн
М.Энхболдоос өчигдөр шагнал гардан авлаа. Олон улсын өсвөрийн ширээний
теннисний тэмцээнд өндөр амжилт үзүүлж, багтаа алтан медаль авчирсан
Хөвсгөл аймгийн сурагч Ё.Батдэлгэр, Уран нугаралтын улсын аварга
Б.Алтансувд нар энэ жилийн шилдэг сурагчдын тоонд багтжээ.
Энэхүү шагналыг хоёр дахь жилдээ өгч байгаа аж. Хүүхдийн язгуур эрхийг хамгаалах холбоо, Хүүхдийн төлөө “Амьдрах ухаан” төв, Хүүхдийг дэмжих “Тулах цэг” сан хамтран Говь-Алтай, Завхан, Баян-Өлгий тэргүүтэй 11 аймаг болон нийслэлийн хүүхдүүдээс нийгмийн идэвх сайтай, олон улсын уралдаан тэмцээнд удаа дараа амжилт үзүүлсэн сурагчдыг тодорхой шалгуурын дагуу тодруулсан аж.
Шадар сайд хүүхдүүдэд баяр хүргэж, сурлагын амжилт хүсэн ерөөгөөд “Бусдыгаа манлайлан, нэр төрөө хадгалан, улс, нийгмийнхээ хөгжилд үнэтэй хувь нэмэр оруулах иргэд болно гэдэгт итгэлтэй байна” гэв.
