Монгол бөхийг Гиннесийн номд бүртгүүлэх түүхэн барилдаан өнгөрсөн бямба гаригт Төв цэнгэлдэх хүрээлэнд эхэллээ. Зохион байгуулагчид анх 4096 бөх барилдуулахаар төлөвлөсөн ч бүртгүүлсэн бөхчүүдийн тоо хамаагүй илүү гарсан тул тэднийг хасалгүйгээр 6000-ыг барилдуулахаар шийдвэрлэжээ. Ингэснээр энэхүү түүхэн барилдаанд түрүүлэх бөх 13 давах шаардлагатай болсон юм.

Энэхүү барилдаанд улсын аварга дөрөв, арслан, гарьд тус бүр тав, заан 12, харцага 23, начин 107, аймаг, цэргийн арслан 218, заан 171, харцага 34, начин 391, сумын заан 1461, харцага 21, начин 423 зодоглож байна. Нийтдээ улсын цолтой 156, аймаг, цэргийн цолтой 814, сумын цолтой 1905 буюу үндэсний бөхийн цолтой 2875 бөх хүч сорьж байгаа аж.

Бусад нь оюутан сурагч, цэрэг эрс болон залуу бөхчүүд юм. Барилдааны нээлтийн үеэр МҮБХ-ны тэргүүн Р.Нямдорж “Монгол бөх түүхийн он жилүүдэд Их Монгол улс задран бутрах, Манжийн дарлалд талхигдах, хувьсгалт өөрчл өлтөд өртөх, гадаад улсын өв соёлыг зориудаар даган дуурайхыг албадан шахах аль ч үед усталгүй хадгалагдсаар, цагийн шалгуурыг даасаар өнөө хүрсэн нь монгол бөх ямар аугаа гайхамшигтай, ямар их гүн бат, алдагдашгүй дархлаатай болохыг харуулдаг” гэж хэлсэн юм.

Барилдааны нэгийн даваа дөрвөн өдөр үргэлжилж, 20-нд өндөрлөх бол 21, 22-нд хоёрын даваа явагдах аж. Харин 23- наас Бөхийн өргөөнд 3-13-ын даваа болж, 25-нд дуусгахаар төлөвлөжээ.

ДАРХАН АВАРГА Б.БАТЭРДЭНЭ

-Гиннесийн номд монгол үндэсний бөхийг бүртгүүлэх ёслолд гэрч болон оролцож байгаадаа баяртай байна. Олон зуун жил өвлөгдөн үеэс үед дамжин ирсэн өв соёл, хаяж гээж болохгүй үнэт соёлоо өнөө үеийнхэн хүндэтгэн авч яваагаараа бахархах ёстой.

ДАЯН АВАРГА Г.ӨСӨХБАЯР

-Нэг дор анх удаа 6000 хүчит бөх зодоглож, Гиннесийн номд бүртгүүлэх ёслолд оролцож, олон зуун бөхчүүдээ хараад самсаа шархирч байлаа. Манай Архангай аймгаас хамгийн олон бөх оролцож байгаа болов уу. Хамгийн олон улсын цолтой бөх төрүүлсэн аймаг гэдэг утгаараа энэ гайхамшигтай үйл явдлыг манай аймгийнхан сэтгэл зүрхээрээ дэмжин оролцож байна.

УЛСЫН АРСЛАН Д.АЗЖАРГАЛ

-Говьсүмбэр аймаг МҮБХноос ирүүлсэн удирдамжийн дагуу 10 бөхөө ирүүлсэн. Түүнчлэн миний удирдлага дор хичээллэдэг 20-иод залуу бөх зодоглоно. Ийм олон хүчит бөх нэг дор бяр хүч, уран мэх уралдуулан барилдаж байсныг харж байсангүй.

УЛСЫН ГАРЬД И.ДОРЖСАМБУУ