Засгийн газрын өчигдрийн хуралдаанаар Хүний хөгжил сангаас нэг сая төгр өгийг иргэдэд бэлэн бусаар олгох журмыг хэлэлцжээ. Энэ талаар Газрын харилцаа, барилга, геодези зураг зүйн газрын дарга Ц.Ганхүүгээс тодрууллаа.

-Хүний хөгжил сангаас олгохоор амласан 1.5 сая төгрөгийн 500.000-ийг бэлнээр өгч байгаа. Үлдсэн сая төгрөгийг орон сууцны төлбөрт зарцуулах журмыг сая хэлэлцлээ. Ямар шийдэлд хүрэв?

-Энэ асуудлыг журмын долдугаар бүлэг болгон оруулсан. Өмнөх хөтөлбөрийг хэрэгжүүлэх үеэр “Вако” гэх мэтээр иргэдийн мөнгийг авч залилсан компаниу дын асуудал сөхөгдсөн. Тиймээс иргэдийг хохироох ийм алдааг дахин гаргахгүйн тулд “100.000 орон сууц” хөтөлбөрийн дагуу барьж буй барилгаас сонгосон иргэдэд дээрх журам үйлчлэхээр боловсруулсан. 30 хувийг нь барьсан барилгын компанид оруулах юм. Уг хөтөлбөрийг хэрэгжүүлэх Үндэсний хороог Шадар сайд М.Энхболд ахалж байгаа.

Хорооныхон долдугаар бүлгийн үндсэн журмыг боловсруулж, НХХЯ-тай зөвшилцөөд сая оруулж хэлэлцүүллээ. Хөтөлбөрт хамрагдсан ир гэдэд үнэ, квадратын хязгаарлалт хийлгүйгээр, гэр бүлийн хүрээнд орон сууцны зориулалтаар сая төгрөгөө зарцуулах эрх олгож байгаа. Мөнгөө төлбөрт шилж үүлэхийн тулд иргэд тухайн хөтөлбөрт хамрагдсан барил гаас худалдан авах бол сон гэрээгээ үндэслэл бол гоод тухайн дүүрэг, хорооны захиргааны байгуул лагад хүсэлт гаргана. Тэд нь хүсэлтийг ОССК-д ирүүлж, бид хянан үзсэнээр барилгын компанид тухайн иргэний нэг сая төгрөгийг шилжүүлнэ. Хэрэв мөнгөө 100 хувь төлчихсөн байсан бол Хөдөлмөр, нийгмийн хамгааллын алба руу нь нэг сая төгрөгийг шилжүүлж, иргэнд олгоно.

-100.000 орон сууц хөтөлбөрт хамрагдахгүй л бол нэг сая төгрөгийг авах боломжгүй гэсэн үг үү. Өмнө нь зээл авч, байрандаа орсон иргэд яах вэ?

-Шадар сайд асуудал тавьж, “гэрээ байгуулсан буюу худалдан авсан” гэсэн хэсэгт “зээл” гэдэг үг оруулахаар болсон.

-Нэг гэр бүл, хамаатны хүмүүс хүсвэл тэр нэг сая төгрөгөө хүүхдийнхээ ч юм уу байрны төлбөрт оруулж болох уу?

-Гэр бүлийн тухай хуульд заасан тодорхойлолтоор авч үзнэ. Гэр бүл гэдэгт хэн хэнийг ойлгох вэ гэдгийг тэнд тодорхойлсон. Тэр ойлголтын хүрээнд шийднэ. Гэхдээ хэчнээн хүн тухайн байрны төлбөрт нэг сая төгрөгөө шилжүүлж болох тухайд тооны хязгаар тавиагүй.

-“100.000 орон сууц” хөтөлбөрийн түрүүчийн орон сууц хэзээ ашиглалтад орох юм бэ?

-Ямар компанийн барьж буй хэчнээн барилгыг оруулах талаар Засгийн газраар ярина.

Иргэн хишиг, хувь хүртэх хүсэлтээ сум, хорооны нийгмийн ажилтанд гаргах бөгөөд хүсэлтэд овог нэр, регистрийн дугаар, захиалсан болон худалдаж авсан орон сууцны төрөл, хэмжээ, байршил, орон сууц барихаар захиалга авсан, барьсан байгууллагын нэр, дансны дугаар зэргийг тодорхой бичнэ. Хэрэв тухайн иргэний орон сууц худалдаж авсны төлбөрт гэр бүлийн бусад гишүүн хишиг, хувиа оруулах хүсэлтэй бол түүний хүсэлтэд 16 нас хүрсэн гишүүн бүр гарын үсгээ зурж баталгаажуулах ёстой.

Харин 16 нас хүрээгүй болон Гэр бүлийн тухай хуулийн 63.1.4, 64.1.4, 64.1.5-д заасан хүний хүсэлтийг эцэг, эх, асран хамгаалагч, харгалзан дэмжигч гаргах юм. Мөн хүсэлтэд орон сууц захиалан бариулах гэрээний нотариатаар баталгаажуулсан хувь, орон сууц худалдан авсан төлбөрийн баримт, тухайн гэр бүлийн гишүүдийн иргэний үнэмлэх, төрсний гэрчилгээний хуулбарыг хавсаргах ёстой гэж журамд заажээ.