Сүүлд хийсэн албан ёсны судалгаагаар сүүлийн хэдэн жилүүдэд өсвөр насны  хүүхдүүдийн сонсгол муудах нь эрс нэмэгдсэн болохыг гаргаж ирсэн байна. Судалгаагаар АНУ-н 5 хүүхэд тутмын 1 ын сонсгол муудсан болохыг илрүүлжээ.
Мэргэжлийн хүмүүс өсвөр насныханд хөгжимнийхөө дууг суллахыг байнга зөвлөдөг нь чих хатуу болохоос сэргийлж байгаатай холбоотой аж. Чанга хөгжим чихний сонсох чадварт нөлөөлдөг буюу бидний хэлдэгээр чих хатуу болдог гэнэ. Үүний дагуу мэргэжилтнүүд залуу насанд энэ процесс удаан явагдах ч нас ахих тусам муудаж, аппарат зүүхэд хүрнэ гэдгийг сануулсан байна.
Судалгааг 12-19 насныханы дунд явуулсан бөгөөд сонсгол муудах явц 15-19% р өссөн байжээ. Хүүхдүүдийн хувьд сонсгол муудах үйл явц эхний ээлжинд мэдрэгдэхгүй, харин ус дуслах, хүн шивнэх чимээг сонсохгүй болсоноор мэдрэгдэж эхэлдэг гэж зарим хүүхдүүд ярьжээ.

Ингээд үзэхээр үндэсний хэмжээнд 6.5 сая хүүхдийн сонсгол муудаж эхэлсэн гэсэн үг юм. Мэргэжлийн хүний хэлж байгаагаар хүүхдүүд  эгшиг буюу тод хэлэгдэх үг, үгсийг сонсох ч гийгүүлэгч авиануудыг сонсох чадваргүй болж байгаа гэнэ.
Судлаачид энэ бүхнийг iPod зэрэг олон төхөөрөмжүүдтэй холбож болох ч гол шалтгаан нь төхөөрөмжинд бус харин дуу чимээнд байгаа гэж үзжээ.
“ Хэт чанга дуу чимээ сонсголын системд муугаар нөлөөлдөг. Гэхдээ энэ нь MP3 тоглуулагчуудыг сонсож болохгүй гэсэн үг биш” гэсэн байна.

“Үе үеийн залуус хөгжим сонсох олон шинэ хэрэгсэлтэй танилцаж байсан ч хор уршиг гарах нь бага байсан. Гэтэл одоогийн залуус хөгжимийг хэт удаан сонсож байна. Тэд өмнөх үеүүдтэй харьцуулбал 2 дахин илүү цагаар сонсдог болсон. Өмнөх төхөөрөмжүүд удаан цаг ажиллах боломжгүй, чадваргүй байсан. Харин одоогийн технологи бол өөр” хэмээн Boston  дах Хүүхдийн Эмнэлгийн чих хамар хоолойн эмч Brian Fligor хэлсэн байна.
Тэгэхээр хөгжим сонсож болох ч бага хэмжээ дээр сонсох хэрэгтэй болж байна. Та хүүхдийнхээ iPod ын дуу хэд дээр байгааг нь нэг хараарай.