.

 

дэлхийн олон оронд эмэгтэйчүүдийн бэлэн болон дотуур хувцас, гоо сайхны бүтээгдэхүүн худалдаалдаг Америк брэнд юм.1977 онд Калифорни мужийн Сан Франциско хотод Стэнфордын Бизнесийн сургуулийг төгсөж байсан Рой Рэймонд “Victoria’s secret”-ийг үүсгэн байгуулжээ. Мань эрт тулгарсан бяцхан бэрхшээл өдгөө олон сая бүсгүйчүүдийн таалах болсон брэндийн эхлэл болсон аж. Их дэлгүүрээс эхнэртээ дотуур хувцас худалдан авахдаа ихэд ичдэг байсан Рой дотуур хувцасны дагнасан дэлгүүр байгуулбал зах зээл байгаа юм байна гэж боджээ. Тэрбээр анхны дэлгүүрүүдээ нээхдээ зэрэг и-мэйлээр бүтээгдэхүүн захиалах каталогийн үйлчилгээг нэвтрүүлжээ. Түүний дэлгүүрүүдийн модоор бүрсэн хана, “Victoria”-н талаарх сонирхолтой мэдээллүүд, найрсаг бас дур булаам худалдагчид зэрэг нь эрчүүдийг тэр дороо байлдан дагуулсан аж. Мөн размер бүрээс хөхний даруулга, дотоож өлгөхийн оронд тэнд ганц загварын хувцсыг хосоор нь жаазанд хийн хананд өлгөсөн байдаг байв. Эрчүүд загвараа сонгоход худалдагчид тохирох размерийг тогтооход нь туслана. Улмаар тус компани бүтээгдэхүүнийхээ нэр төрлийг олшруулж гутал, үдшийн өмсгөл, үнэртэн гаргах болж, нэрийн каталогио жилд найман удаа хэвлэдэг болсон байна. 1990 -ээд оны эхэн гэхэд 1 тэрбум ам.долларын орлого бүхий Америкийн дотуур хувцасны хамгийн том борлуулагч болж чаджээ. “Victoria’s secret” байгальд хоргүй үйлдвэрлэлийг дэмжигч бөгөөд каталогийн 10 хувийг дахин боловсруулах замаар үйлдвэрлэдэг. “Victoria’s secret” өдгөө өөрийн имижийг сонгодог бөгөөд ямар ч өө сэвгүй барааг дунд давхрагийн худалдан авагчдад хүргэхэд голчлон чиглүүлж өөрчилсөн байна. Тус компани өөрийн сурталчилгаа, загварын шоундаа дэлхийн нэртэй моделиудыг 1990- ээд оноос ашиглаж эхэлсэн аж. Ингээд энэхүү ихэмсэг хийгээд нандин уг брэндийн загварын шоуны үеэрх сонирхолтой зургуудыг хүргэж байна.