Moderator: mgl_300
Бичлэгийн тоо 42,366
Эмэгтэйчүүдийн ойлгомжгүй олон үйлдлийн нэг нь эр нөхрөө хүүхэд шиг бөөцийлөх хандлага юм. Ялангуяа дөнгөж танилцсан хосуудын дунд нийтлэг ажиглагддаг. Энгийн үед тэр бие даасан, уян хатан, нийцтэй байдаг ч дотносоод ирэхээрээ өөрийг.... чинь хүүхэд шиг бөөцийлж, ээж шиг чинь загнаж эхэлнэ. Таныг хайрлаж халамжлах нь сайхан ч үглэж, шаналгах нь хэцүү санагдана. Гэвч ээж хүү хоёрынх шиг иймэрхүү харилцаа нь ихэнхдээ бүтэлгүйтдэг байна. Учир нь сексийн харилцаатай хүн өөрийг чинь төрүүлсэн хүнээс өөр байх ёстой. Ихэнх эрчүүд найз бүсгүйгээ өөрийг нь хүүхэд шиг бөөцийлөхөөс залхаж , түүнийг зүгээр л хайртай бүсгүй нь байгаасай гэж хүсдэг аж. Хэрэв танд ийм зүйл тохиолдвол яах вэ ? Эх хүн болох зөн совин Хүүхэд төрүүлж, өсгөх биологийн үүргээсээ татгалздаг эмэгтэйчүүд байдаг ч хүүхэд төрүүлээгүй эмэгтэй зөнгөөрөө ойр дотны хэн нэгнийг хайрлаж халамжлахыг хүсдэг. Магадгүй та тэр хүн нь байж болно. Эмэгтэйчүүд бүгд биш ч дийлэнх нь эх болохыг хүсдэг бөгөөд хэн нэгэнд эсвэл ямар нэгэн зүйлд хайр халамжаа харамгүй зориулдаг байна. Ядарсан, өвдсөн, цухалдсан, ямар ч тайлбар сонсмооргүй байгаа үед түүний хайр халамжаас илүү зүйл юу байх билээ. Харин таныг үсээ засуулахыг байнга ятгаж, оймсыг чинь цуглуулдаг нь таныг дахин өсвөр насны хүүхэд болгож мэднэ. Яах хэрэгтэй вэ гэж үү? Түүний хайр халамж дэндүү санагдаж эхэлвэл та насанд хүрсэн хүн шиг байж сөрөг хандлагуудад хариул. Хэрэв та түүнд хүчтэй, бие даасан, арчаатай гэдгээ харуулж чадвал тэр таныг хүүхэд шиг бөөцийлөхөө болино. Түүний ээж Эмэгтэй хүн өөрийнхөө ээжийн зан араншинг өвлөж авдаг бөгөөд тэд энэ зангаа өөрчлөх хүсэлгүй байдаг. Хэрэв ирээдүйн хадам ээж чинь зөөлөн сэтгэлтэй, нээлттэй, хоол сайхан хийдэг бол түүний охинтой даруйхан гэрлэх хэрэгтэй. Учир нь ийм хадмууд маш ховор байдаг. Ирээдүйд охинд чинь түүний сайн талууд ч мөн өвлөгдөх болно. Хэрэв охин чинь ээжийнхээ муу зан араншинг дуурайсан бол түүнд үүнийг нь ойлгуулахыг хичээгээрэй. Тэр ээжтэйгээ адилхан байхыг хүсдэггүй бол үүнийг өөрчлөхөд амархан. Өөрт чинь хүүхэд шиг хандах болсон өөр нэг шалтгаан нь та өөрөө байж мэднэ. Эмэгтэй хүн эрчүүдээс хурдан нас бие гүйцдэг нь нууц биш. Тиймээс та болон таны найз бүсгүйн биологийн цаг өөр өөр байж болох талтай. Түүнийг PlayStation 3 худалдаж авах хангалттай мөнгө байхгүй гэж хэлэх үед та өсвөр насны хүүхэд шиг дураараа загналгүй бодит байдлыг дүгнэж хэлсэн түүний үгийг эхлээд сонсоход буруудах зүйлгүй. Өөрийгөө ойлго Хайр халамж, үглэж загнахын аль нь ч байлаа энэ бол түүний сэтгэл. Хэрэв та түүнд хамаагүй байсан бол тэр таныг бэлэн хоол их идэж байна гэж үглэхгүй. Өөрийгөө насанд хүрсэн, гаргасан шийдвэртээ хариуцлага хүлээж чадна гэдгээ харуулахын тулд өдөөн хатгалгүйгээр тайвнаар ойлгуулахыг хичээгээрэй. Түүний зөвлөгөөг үнэ цэнэтэй мэт хүлээн авах нь хайртыгаа гомдоолгүй дотно харилцаагаа хэвээр хадгалахад тус болно. Зарим үед түүний зөв байх нь бий ч зөвхөн хэтрүүлэхээс нь болгоомжлоорой.
Уйлуулж дуулуулж гомдоогоод яах нь вэ дээ
Учир тавилантай чиний л амраг
Асгаруулан мэлмэрч халаглуулаад яах нь вэ дээ
Хорвоод азтай чиний л амраг
Заяа тавиланг тэгшитгэж
Энгэрт чин эрхлэх гэж
Бусдаас эхэлж ургасан
Бэлийн цэнхэр яргуй юмсан
Эрх танхил зангаа эцгийн гэрт эс орхих
Эхийнхээ Энгэрт чин эрхлэх гэж хоргодож ядсан
Эрт ургасан цэцэг шиг
Эмзэг нялх охин юмсан
Охин хонгор зангаа
Одоо л чиний дэргэд гээж
Орь ганцхан чиний л амраг байх гэж
Орд цагаан гэрийн гэргий чинь байх юмсан
ok...
Гэр бүлийн хэрүүл нь ахуйн шинжтэй жижиг сажиг зүйлсээс ч үүсч болно. Хамгийн гол нь үүнийг гэр бүлийн аз жаргалыг нураах чадалтай “гэмт хэрэг” болгохоос зайлсхийх хэрэгтэй. Тиймээс эхнэр, нөхөр хоёрын дунд маргаан гарах шалтаг болдог ялихгүй зүйлсийг мэдэж, цаашид ялихгүй хэрүүлээс зайлсхийж сурах нь чухал юм.
Хэн цэвэрлэгээ хийх вэ?
Хуримын дараах анхны оройноос л хэн нь аяга тавгаа угааж, гэр орноо цэвэрлэх вэ гэсэн асуудалтай тулгардаг. Энэ асуудал алтан хурим хүртэл шийдэгдэлгүй явсаар нэг бус удаа хэрүүлийн шалтгаан болох нь олонтаа. Ихэнх хүүхнүүд анхнаасаа хоолоо хийж, гэрээ цэвэрлэж, өөрсдөө сайн дурын “үйлчлэгч” болсноор нөхрөө дасгачихдаг. Ингээд олон жил гэр орныхоо ажилд нөхрөө оролцуулаагүй байж гэнэт туслалцахыг шаардах нь том алдаа юм. Тиймээс хэн нь хэзээ гэрээ цэвэрлэж, хоолоо хийхээ анхнаасаа тохиролцож түүнийгээ дагах нь цаашид ямар нэг асуудал үүсэхээс зайлсхийх боломж олгодог.
Зуршил
Нөхөр нь өлөн элгэн дээрээ тамхи татах, эхнэр нь бигудитэйгээ унтах гээд ахуйн шинжтэй таагүй зуршлууд олон байдаг. Гэхдээ хоол идсэнийхээ дараа хэхэрдэг нөхрийнх нь зуршил анхандаа нэг ёсны дүрсгүйтэл мэт санагддаг боловч олон жилийн дараа яваандаа эхнэрийнх нь дургүйцлийг хүргэж, засахыг шаардахаас өөр аргагүйд хүргэдэг. “Зуршил бол хүний хоёрдахь төрх” гэдэг ч үг бий. Тиймээс зуршлаа засахыг шаардахдаа муулж, гутаалгүйгээр энэ нь ямар учраас таалагдахгүй байгааг тайлбарлах хэрэгтэй.
Хүмүүжил
Хүүхдээ яаж хүмүүжүүлэх тал дээр эхнэр, нөхөр хоёр өөр өөрсдийнхөө хүсэл сонирхолд хөтлөгдөн бие биенээ үгүйсгэсэн аргыг хэрэглэдэг. Гэтэл хүүхэд бүрт тохирдог сурган хүмүүжүүлэх универсаль арга гэж байдаггүй. Тиймээс энэ тал дээр эцэг, эхчүүд юуны өмнө хувийнхаа амбицаар бус харин хүүхдийнхээ онцлогийг удирдлага болговол илүү зохистой.
Мөнгө
Яаж ч ажилласан авч байгаа цалингийнхаа хэмжээний талаар эхнэртээ зэмлүүлж байгаагүй эр гэж бараг байдаггүй. Гэтэл эрчүүд эхнэрээ өөрөөс нь ахиухан цалинтай ажил хийхийг хэзээ ч шаарддаггүй. Тиймээс “ахиухан цалинтай ажилд орж чаддаггүй арчаагүй амьтан” гэж янших нь турах гэж байдгаараа хичээж байгаа эмэгтэйг “яасан бүдүүн юм бэ” гэж гоочлохтой адил юм.
Хадам
“Би чамтай суусан болохоос ээжтэй чинь суугаагүй” гэсэн ундуйцал маш түгээмэл байдаг. Хадмууд жинхэнэ утгаар аав, ээж болж чаддаггүй нь олонтаа. Тиймээс хосууд “муу хадам” гэж нэрлэхээсээ өмнө хайртай хүнийг тань өдий хүртэл нь өсгөсөн хүн гэдгийг ухамсарлах хэрэгтэй.
Ор дэрний асуудал
Эр эмийн харьцааны асуудал нь эхнэр, нөхрийн хоорондын харьцааны салшгүй чухал хэсэг тул маргааны эх үүсвэр болох нь бий. Нөхөртөө уурласнаас болж эхнэр нь толгойн өвчнөөр шалтаглан ойртохоос татгалзах нь олон байдаг бол эхнэр нь үргэлж сэтгэл дундуур байгаагаас болж нөхрийнх нь бэлгийн хэвийн ажиллагаа алдагдаж улмаар ойртохоос татгалзахад хүргэдэг. Эр эмийн харьцаанд сэтгэл дундуур байгаагаас болж гэр бүлийн хүмүүс өөр зүйлээр нэг нэгнээ өөнтөглөх нь олонтаа. Тиймээс бэлгийн амьдралтай холбоотой элдэв шүүмжлэлийг маш болгоомжтой байдлаар илэрхийлэх хэрэгтэй.
Хардалт
“Хардалт харьцааг холдуулдаг” гэдэг нь үнэхээр ортой үг. Итгэл, харилцан ойлголцол нь хэн нэгнийхээ халаас, цүнхийг далдуур шалгахтай хэзээ ч зэрэгцэх ёсгүй. Хэрээс хэтэрсэн их хардалтын цаана голдуу өөртөө итгэлгүй байдал нуугдаж байдаг. Өөрийнхөө санаа бодлыг гэр бүлийнхээ хүнтэй хуваалцах нь дэмий хардаж, өөрийгөө болон өрөөлийг зовоохоос хавьгүй илүү үр дүнтэй. Дэмий хардаж байснаас “цаанаа хэн нэгэнтэй болсон бол хэлээрэй” гэж шударгаар хэлж ч болно.
Градус
Баасан гарагийн орой найз нартайгаа ганц хоёр кружк пиво ууж тухлах нь олон эрчүүдийн хүсч байдаг зүйл. Харамсалтай нь энэ хүсэл Баасан төдийгүй Бямба, Ням гарагуудад ч үргэлжлэх нь цөөнгүй. Халамцуу нөхрөө хараад тайван суудаг эхнэр гэж байхгүй болов уу.
Яаж ч уурлаж уцаарлаж, аргадаад нөхөр нь уламжлалт уулзалтаас татгалзана гэж бараг байдаггүй бөгөөд тэр болгоныг эхнэрийнхээ ээлжит яншилт төдийхнөөр хүлээж авдаг. Тиймээс уухаараа тэнэг харагддаг эсвэл архи үнэртээд байхаар хүсэл төрөхгүй юм гэсэн илүү бодитой зүйлээр шалтаглах нь илүү үр дүнтэй байдаг.