Савны хорт хавдар юунаас болж үүсдэг вэ

Умайн хүзүү нь яг л толбо шиг харагддаг бөгөөд салст бүрхэвчээр хучигдсан байдаг. Төрөх явцад умайн хүзүү урагдаж гэмтэх, савны улайлттай удаан хугацаагаар явсны улмаас үүдэн шархлаа бий болдог. Энэ нь яваандаа савны хоргүй ба хорт хавдрыг үүсгэдэг.

Харамсалтай нь эмэгтэйчүүд хэдэн cap жилээр ч уг өвчнийг анзааралгүй өнгөрөөдөг. Харин эмэгтэйчүүдийн эмчид үзүүлснээр бүх зүйл тодорхой болдог байна. Эмэгтэй хүнээс цагаан тунгалаг өнгөтэй дааврын шингэн зүйл доошоо ялгардаг.

Энэ нь хэвийн үзэгдэл юм. Харин ногоовтор, шаргал өнгөтэй болж гарвал халдварын болоод ямар нэгэн үрэвсэлт өвчин байна гэсэн үг юм. Үүнийг бага дээр нь эмчлүүлэх шаардлагатай. Үтрээний үрэвсэлт өвчнийг эмчлүүлээгүйн улмаас хоргүй хавдар үүсэх магадлал өндөр байдаг. Хоргүй хавдрын үед өөрт ямар ч өвчин мэдрэгдэхгүй. Ердийн үзлэгийн үед хавдрын шинж тэмдэг мэдэгдэхгүй.

Мазокийн (эсийн) шинжилгээ хийлгэх, ЭХО - д нарийн харуулснаар хавдрын шинж тэмдэг илрэх эсэхийг олж тогтооно. Саванд ямар нэгэн асуудал -байгаа бол мазокийн шинжилгээ муу гарна. Иймээс эхний ээлжинд үтрээний үрэвслийг дарах хэрэгтэй.

Зарим эмэгтэйчүүд үрэвслийг дарах үүднээс антибиотикийг тасралтгүй хэдэн сарын турш үргэлжлүүлэн уудаг. Энэ нь үтрээн дэхь бактерийн тэнцвэрийг алдагдуулж мөөгөнцөрийг үүсгэдэг. Сарын тэмдэг ирсний дараа эмчилгээг хийж эхэлнэ. Үүнд:

• Тосон лаа хэрэглэх (орой унтахын өмнө үтрээндээ хийнэ.)
• Шарлага хийлгэх (хүүхэд төрүүлээгүй эмэгтэй хийлгэхгүй байвал зүгээр. Учир нь үтрээний зөөлөн байдалд өөрчлөлт бага зэрэг орох талтай. Энэ нь хүүхэд төрүүлэх үед хүндрэлтэй байж болзошгүй.)
• Угаалга хийлгэх
• Үрэвслийн эсрэг хавсарсан эм уух

Анхаарах зүйл: Эмчилгээ хийлгэж байх явцад мөн эмчилгээ дууссаны дараа 8-12 долоо хоног бэлгийн ажил хийхгүй байх хэрэгтэй. Түүнчлэн эмэгтэй хүний саванд:
• Бэлгийн амьдралд хэт эрт орох
• Дараалан олон удаа үр хөндүүлэх
• БЗХӨ өвчнөөр өвчлөх
• Дааврын тэнцвэр алдагдах гэх мэт хүчин зүйлс сөргөөр нөлөөлдөг.

Эцэст нь хэлэхэд жилдээ нэг удаа эмэгтэйчүүдийн эмчид үзүүлж байх нь зүйтэй юм.