*****ХАЙРЫН ДЭЭД ХАНЬ МИНЬ*****

Сайн байна уу уу, би одоо 35 настай, 2 хөөрхөн хүүтэй. Хэдэн жилийн өмнө хайртай нөхрөө гэнэтийн ослоор алдаснаас хойш, 2 хүүгээ өсгөж хүнээс дутахгүй сайхан амьдрах гэж хичээж яваа жирийн нэг эмэгтэй. Амьдралын эрхээр 2 хүүгээ аван  солонгос руу гарч янз бүрийн ажил хийж амьдарч нилээн хэдэн жил боллоо. Анх хүний газар ирээд таньж мэдэх хүнгүй,хэл ус ч сайн мэдэхгүй эхэндээ хэцүү л байлаа, Одоо бол нэг үе бодвол амьдрал цэгцэрч, санаа зовох зүйлгүй, өөринхөө хүссэнээр 2 хүүтэйгээ хамтдаа жаргалтай амьдарч байгаа. Энд ирээд нэг залуутай танилцаж дотносоод, хэн хэндээ тус дэм болж явсаар нэг мэдэхэд 6 жил болсон байна. Нөхрөө алдаад шаналж явахад минь түшиж тулж явсан сайн хүн, тэр маань эхнэрээсээ салсан нэг хүүхэдтэй, ганц бие залуу. 6 жил гэдэг бага хугацаа биш болохоор дасаж сэтгэл дотроо хайрлаж явдаг. Энэ хугацаанд надад энэ хүнэс өөр хүн байгаагүй, би тэрэнд үнэн сэтгэлээсээ ханддаг, юугаа ч нуудаггүй, илэн далангүй нээлттэй байдаг, тэр ч надад сайн, дасчихсан гэдэг мөртлөө надад ерөөсөө анхаарал тавихгүй, дуртай үедээ ирчихээд яваад өгнө, хэсэг таг чиг байснаа саналаа гээд хүрээд ирнэ.

Уцаар ч ярихгүй, хэрэг гарвал л над руу залгана, намайг ярихаар завгүй гээд олигтой ч үг сольдоггүй, өөрөө байнга гадуур ийш тийшээ хэд хоногоор ч хамаагүй яваад өгдөг, олон найз нөхөдтэй болохоор уйддаггүй юм шиг байгаа юм. Харин би түүнийг хүлээгээд хэзээ ирэх бол гээд уйдаж суудаг, ийм байдалтай 6 жил болсоон. Тэрэнд миний байгаа байдал таалагддаг гэсэн, бас чамд сайн, чи надад хэрэгтэй гэдэг ч даанч чи хүүхэдтэй, би хүний хүүхдэд эцэг болж чадахгүй, тийм болохоор чамтай сууж амьдрахгүй гэдэг. Сүүлийн үед надад ганцаардаж уйтгарлаж, тэрнийг хүлээж шаналж суух нь утгагүй санагдаад байдаг боллоо. Би тэрнээс анхаарал халамж л хүсэж байгаа болохоос өөр илүү юм хүсэж зовоодоггүй, үр хүүхэд амьдралаа би хэнээс ч дутахгүй аваад яваж байгаа, надад тэрнээс гуйдаг авдаг зүйл гэж байхгүй. Надад ийм 2-н хооронд байх хэцүү юм, одоо болъё, чи амьдралаа бод 2-лаа салая гэхээр салахгүй, ингээд байж байя л даа гэх юм, тэгээд нэг 2 өдөр гайгүй байснаа л хэдэн өдрөөр алга болчихоно, хамаг юмаа нууна, үнэнээ хэлэхгүй, асуухаар чамд хамаагүй гэдэг. Уг нь хүний хувьд сайн хүн л дээ, надад тэрэнтэй сууж нэг гэрт амьдарах нь чухал биш, хамгийн гол нь бие биенээ хайрлаад халамжлаад халуун дулаан харьцаатай сайхан байх л чухал байна уу гэтэл тэр намайг хүн гэж тоохгүй хэрэглээ шиг л үзээд байх шиг санагдаад байдаг боллоо. Би одоо яах вэ, өөрийгөө мэдэхээ байлаа надад зөвлөөч хүмүүсээ…