УИХ-ын хамгийн залуу гишүүд болох С.Бямбацогт, Гарьдхүүгийн Баярсайхан, Ж.Энхбаяр, Ж.Сүхбаатар, Лу.Гантөмөр, Д.Кёкүшюзан Батбаяр нар нийлж Хоёр эхнэртэй болох хуулийн төсөл санаачлахаар болж гэнэ. Тэд өөрсөдтэй нь нас чацуу ч бас ч гэж хоёр парламентад улирч сонгогдсон Г.Занданшатарыг урьж ганц нэг зөвлөгөө авахаар болжээ. Занданшатар гишүүн “Урьд нь энэ хуулийг АИХ-аар 429 депутат хэлэлцэж байсан юмаа. Ил санал хураасан болохоор тэдний ихэнх нь эрчүүд байсан ч эхнэрээсээ айгаад бүгд татгалзсан юм. Та нарт гэж хэлэхэд энэ хуулийг батлуулахдаа нууцаар санал хураалгахгүй бол авгайгаасаа айгаад ганц ч гишүүн дэмжихгүй шүү” гэжээ. Тэд “Нээрээн тэгэх ёстой юм байна. Нэг хүнийг зориуд бодлогоор татгалзсан санал өгүүлье. Тэгээд татгалзсан ганц чинь би шүү дээ гэр гэртээ оръё. Тэгэхгүйгээр бид ярсхийтэл дэмжчихвэл бүгд гэртээ орох аргагүй болно шүү дээ” гэж тохирчээ. Залуу гишүүд хоёр эхнэртэй болчихвол эхнэрүүд уурлахаа болино, бие биенээсээ өрсөлдөж биднийг халамжилж, хүүхдүүдээ сайн хүмүүжүүлж, өөрсдийгөө ч анхаарч бид ч жаргана шүү дээ гэлцсээр ажилдаа оржээ. УИХ-ын гишүүн С.Бямбацогт аргагүй л мөнгөтэй хүний зан гаргаж “Ер нь хоёр эхнэрээ яг адилхан байшинд амьдруулж, яг ижил машин авч өгч ижил нөхцөлд амьдруулна” гэсэн заалтыг заавал оруулах ёстой гэж гэнэ. Ж.Сүхбаатар гишүүн “Би мөнгөгүй ядуу хүн. Хөөрхий минь манай эхнэрийн өмсөж эдлэх нь багасах нь дээ. Ер нь нэгдүгээр эхнэртээ мөнгө захиран зарцуулах давуу эрх олговол яасан юм” гэсэн санал гаргасан аж. Гэтэл Ж.Энхбаяр “хоёр ба түүнээс дээш эхнэртэй байх гэж тусгая” гэхэд “Наадахаа Нямдорж ахад даатгачих, цаадах чинь орондоо сэмхэн нэмээд засчихна” гэж. Гэтэл Кёкүшюзан эхнэр сольж үзсэн туршлагатай юм болохоороо “Ээ дээ, өмнөх эхнэрээсээ дараагийн эхнэрээ дээрдүүлэхгүй бол “чамд ч ийм л юм таарна даа” гэж авгай чинь тавлаад суулгахгүй шүү” гэж сануулжээ. Тэд хоёр эхнэрээ хооронд нь уулзуулж болохгүй, бие биенийхээ дууг нь сонсоод дургүй нь хүрдэг болгох хэрэгтэй, эс тэгвэл нийлээд   биднийг тасдаад хаячихна” гэж болгоомжилжээ. Энэ мэтээр санал бодлоо уралдуулж хуулийн төсөл боловсруулж дуусахад өргөн барих зориг зүрхтэн тэдэн дунд байдаггүй гэнэ. Гэтэл Лу.Гантөмөр “Ерөөсөө Л.Гүндалайг цөсийг нь хөөргөж байгаад энэ хуулиа өгөөд оруулчихъя. Цаадах чинь л үүнийг өргөн барьж чадна. Тэгээд ч цаадах чинь хоёр эхнэрийн таван хүүхэдтэй хүн, нэг их татгалзахгүй биз” гэжээ. Тэд нэг ширээнд суудаг болохоор Кёкүшюзанд “Л.Гүндалайг аргалж хуулиа оруул” гэж үүрэг өгч, цаадах нь Л.Гүндалайтай барилдаж тоглох завсраа “Хөгшин нь нэг хуулийн төсөл боловсрууллаа. Би хэл ам муутай хүн УИХ дээр тайлбарлаж чадахгүй. Чи л сэргэлнээрээ өргөн бариад өгөөч” гэж гуйхад нөгөөх нь дуун дээр зөвшөөрч унших ч үгүй бариад орчихож гэнэ. Тэгээд уг хуулийг хэлэлцэхэд Арвин гишүүн ам түргэнтэйгээрээ “Эрчүүд ийм балиар. Яахаараа эрчүүд хоёр эхнэртэй байж болдог, хүүхнүүд хоёр нөхөртэй байж болдоггүй юм, үүнийг тусга” гэхэд Нямдорж сайд, Арвин гишүүн рүү хараад “Коёр нөкөртэй байж болноо. Экний орой л цаад коёр чинь коёулаа согтуу ирээд чиний орыг булаацалдаад, бөөн кэрүүл зодоон болно. Чи тэгээд хоёр эрийн хувцас угааж, хоол хийж, хоёр согтуу эрийн шарыг байнга тайлна. Хамгийн гол нь чи хүүхдийнхээ эцгийг өөрөө шууд ялгаж чадах юм уу. Энэ тухай эрчүүд бид бодоогүй биш бодсон, ийм ийм зовлонтой асуудал гарна ш дээ” гэж хэлэхэд Арвин гишүүн нам болж, Оюун, Оюунхорол хоёр нээрээн тийм дээ гэсэн шиг чимээгүй болсноор энэ хууль ногоон гэрлээр батлагдаж, УИХ-д суудалтай эрчүүдийн хоёр дахь эхнэр ч бэлэн...HAHAHA