Хэрвээ таны амнаас тодорхой шалтгаангүйгээр 24 цагийн турш эвгүй үнэр үнэртээд байвал эмчид үзүүлэх хэрэгтэй. Энэ нь бохиноос үүссэн эмгэг, эсвэл ходоод, илэг, бөөрний үйл ажиллагааны доголдолтой холбоотой байх магадлалтай юм. Мөн амны эвгүй үнэр ус, цайрын дутагдлаас болж үүсдэг байна.

Бага зэрэг халуун ногоог хэрэглэ. Гал тогоонд тань байгаа халуун ногоо, бусад ногоонууд нь таны амьсгалыг цэвэрлэдэг юм. Хоол идсэнийхээ дараа бага зэрэг гоньд, сармисны хумс, яншуй зэргийг зажлах нь амны эвгүй үнэрийг арилгадаг.

Хэлээ угаах.
Хүний хэл олон жижиг үснүүдтэй байдаг. Микроскопоор томруулж харвал яг л олон мөөг шиг байдаг гэж болно. Тэдгээр мөөгний малгай доор илүүдэл, муу зүйлсийг хураадаг хэсэг байдаг ба заримдаа хоол хүнсийг хүртэл өөртөө хуримтлуулдаг. Үүнээс болоод эвгүй үнэр гарах тохиолдол байдаг. Тиймээс шүдээ угааж байхдаа хэлээ зөөлөн угаах хэрэгтэй. Ингэснээр та илүүдэл зүйлсийг цэвэрлэх юм.

Уух зүйлсдээ анхаар.
Кофе, пиво, вино, виски зэрэг нь эвгүй үнэр гаргадаг шингэн зүйлсийн тоонд зүй ёсоор ордог. Эдгээр нь бүгд аманд үлдэц үлдээдэг ба хоол шингэцийн системд нөлөөлдөг. Үүнээс болоод таныг амьсгалах бүрд эргээд эвгүй үнэр хамт гарах тохиолдол байдаг.

Шүдний сойзоо авч яв.
Хоол идсэнийхээ дараа шүдээ угаах нь эвгүй үнэрээс таныг бүрэн эсвэл хэсэг хугацаанд хамгаалж чадна. Амны эвгүй үнэрийг үүсгэгч гол шалтгаан бол аман дотор үлдсэн хоолны үлдэгдэл, үхсэн бактери зэрэг юм. Хүний аманд 50 триллион жижиг биетүүд амны булангуудад байрласан байдаг ба таныг хоол идэх бүрд тэд хамт хооллодог, мөн үнэр гаргадаг. Тиймээс шүдээ угааснаар  эвгүй үнэрээс зайлсхийж чадна.

Амаа зайл.
Өдөрт 4 удаа амаа зайлж бай. Хэрвээ гадуур явж байгаа бөгөөд шүдээ угаах боломжгүй бол амаа зайлах хэрэгтэй. Энэ нь эвгүй үнэрийг бага ч гэсэн дарж чадна.

Бохь зажил.
Хэрвээ уулзалтанд орох гэж байгаа, хурдан амаа цэвэрлэх хэрэгтэй бол бохь зажлах хэрэгтэй.

Бяслаг бага идэх.
Бяслаг идсэний дараа амнаас эвгүй үнэр гардаг ба үнэр нь гарах нь удаан байдаг. Тиймээс таны эвгүй үнэрийн шалтгаан нь таны байнга иддэг бяслагтай холбоотой байж магадгүй юм.