Хайр бүхэн надад илч нэмэн ирдэг
Хамба торгон үгсээр нь хөнжил урлаж сэтгэлээ хучдаг
Хадаг шиг нандин дурсамжаас нь
Хайтан цэцэг хайчилж хөнжилөө гоёдог
Учирал бүхэн надад гэгээ нэмэн ирдэг
Урам шагнасан үгсээр нь шүлэг урлаж сэтгэлээ чимдэг
Уулзалт болзоо бүхнээс нь
Уран шаглааст үг мэтгэж шүлгээ гоёдог
Дурлал бүхэн надад нөмөр нэмэн ирдэг
Дуураймал үгүй үгсээр нь шүхэр урлаж бороонд зогсдог
Догдлол хүлээлт бүхнээс нь
Донж төсс өнгө уусгаж шүхрээ гоёдог
Өөдгүй зантай хүний өөлсөн үгэнд гомдовч
Өнгө мөнгө дутаж өөрчилж солимоор санагдавч
Өөдрөг эхэлсэн ажлаа үргэлжилүүлж заавал дуусга
Өөрөө өөрийхөө мөрөөдөлөөс урваж битгий амьдар