Найзыгаа зургаан удаа буудаж хөнөөсөн А.Мэндбаярт 25 жилийн хорих ял оноолоо
Уншсан 2700 vote 0 2014.07.25 20:20:39Найзыгаа зургаан удаа буудаж хөнөөсөн А.Мэндбаярт 25 жилийн хорих ял оноолоо
Өс хонзонгийн сэдлээр найзыгаа зургаан удаа буудаж хөнөөсөн А.Мэндбаярт холбогдох анхан шатны шүүх хурал боллоо. Хуралдаанаар А.Мэндбаярыг өс хонзонгийн сэдлээр онц хэрцгий аргаар талийгаач Эрхэмбаярын амь насанд хүрсэн гэж 25 жилийн хорих ял оноосон юм.
Хурал эхэлмэгц шүүгдэгч А.Мэндбаяр шүүхийн өмнө хэргийн тухай мэдүүлэг өгсөн юм. Тэрээр “Талийгаач А.Мэндбаяр намайг байнга дарамталдаг байсан. Тэр ч бүү хэл миний найз охиныг хүчиндсэн. Тиймээс би айлгах зорилгоор сумтай буу худалдан авсан боловч нэг мэдэхэд аминд нь хүрчихсэн байсан.
Би хийсэн хэрэгтээ үнэхээр гэмшиж байна” гэж мэдүүлсэн юм. Харин улсын яллагч, шүүгч, өмгөөлөгч нарын тавьсан асуултад “Талийгаач Эрхэмбаяр намайг байнга дарамталдаг байсан. Тиймээс би учраа олохоор Налайх дүүрэгт очсон.
Тэгээд машиндаа буугаа гаргатал гох нь дарагдаж, тэгээд Эрхэмбаярыг зургаан удаа буудчихсан” гэж зөрүүтэй мэдүүлэг өгч байв. Харин үүнд талийгаач Эрхэмбаяр аав Мөнхжаргал эгдүүцэж, “Үхсэн хүн үг хэлэх биш” гэсэн шиг аашилж байна. Хэрвээ үнэхээр тэгэж дарамталдаг байсан бол хуулийн байгууллагад яагаад хандаж болоогүй юм, мөн яагаад харьцаагаа таслаж болоогүй юм.
Харин ч А.Мэндбаяр хүүг нь дандаа болж бүтэхгүй зүйлд уруу татаж, аавтайгаа нийлж ална гэж заналхийлж байсан тухай шүүх бүрэлдэхүүнд танилцуулж байлаа. Хэдийгээр А.Мэндбаярт оноосон хорих ял нь А.Мэндбаярт үүсгээд байсан хэрэгт оноох ялын хамгийн дээд хэмжээ боловч талийгаач Эрхэмбаярын ар гэрийнхэн энэхүү ялын хэмжээг хүлээн зөвшөөрөхгүй давж заалдах шатны шүүхэд хандахаа мэдэгдсэн юм.
Шүүх хурлын үеэр шүүгдэгч А.Мэндбаярын өмгөөлөгчид А.Мэндбаярт үүсгээд байгаа онц хэрцгий аргаар гэх зүйл ангийг хасч өгөхийг хүсч байгаагаа шүүх бүрэлдэхүүнд танилцуулсан юм. Тэд “Буудаж хөнөөсөн нь талийгаач н.Эрхэмбаярыг өвтгөлгүй хөнөөсөн гэж үзэж болно.
Тиймээс онц хэрцгий аргыг өөрчилж ялыг хөнгөрүүлж өгөхийг хүсч байгаагаа илэрхийлж байсан юм”. Харин шүүх бүрэлдэхүүн өмгөөлөгчдийн хүсэлтийг хүлээн авалгүй 25 жилийн хорих ял оноосон юм.