Хүн ойртож очвол урж тасдаад хаячихмаар аварга том бар 2настай охинтой ярилцаж буй мэт аяглан, тоглож буй зураг интернэтэд тавигджээ.

Английн Дэйлимэйл сонинд Америкын нэгэн амьтны хүрээлэнд авахуулсан зураг нийтлэгджээ.

Вашингтоны нэгэн зурагчин амьтны хүрээлэнд зураг авангаа гэр бүлийн хамт зугаалж яваад охиноо барын үүрний хажууд аваачжээ.

Өмнө нь ямар нэгэн онцгой үйлдэл хийлгүйгээр зогсож байсан бар охиныг шилэнд дөхөн очтол гэнэт алхан ирж сонирхсон мэт харж эхлэжээ.

Бар охинд хүрэх гэсэн мэт хөлөө хөдөлгөсөн бөгөөд охин ч айлгүйгээр гарын алгаа шилэнд хүргэжээ.
Бар болгоомжтойгоор охины нүүрэнд нүүрээ хүргэх мэт хөдөлгөн, хөлөөрөө илэх мэт хөдөлгөөн үзүүлсэн гэнэ..

Тэр үед тус амьтны хүрээлэнд байсан хүмүүс "Гэнэт бар дөхөөд ирэхээр нь архиран охиныг айлгах байх гэж бодсон чинь тэс өөр хөдөлгөөн хийж маш их гайхсан бөгөөд охиныг айлгахгүйн тулд толгойгоо бөхийлгөн аажуу алхаж ирээд охиныг илэхийг оролдсон" гэж тайлбарлажээ.