Мэргэжлийн сүмоч асан Казиуки Ямамураг өөрийн туслахыг байнга зодож дарамталдаг гэсэн хэргээр Японы хууль сахиулагчид шүүхэд дуудаад байна.31 настай туслах нь Ямамура өөрийг нь төмрөөр зодож цохидог тухай мэдүүлсэн бол сүмоч туслахаа нойтон алчуур аманд нь зуулгаж,цохиж,бүтэн хайрцаг васаби амтлагч хүчээр идүүлж байснаа хүлээн зөвшөөрчээ.Гэхдээ энэ бүхнийг туслахын өөрийнх нь хийсэн алдааг мэдрүүлэхийн тулд үйлдсэн гэсэн байна.Харин туслах Ямамура хэзээ нэгэн цагт өөрийг нь хөнөөх вий гэдгээс ямагт айдаг байснаа мэдүүлжээ.Өмнө нь энэ хэргийн талаар нийтээд дэлгэхээр зэхэж байсан ч их аварга Хакухогийн нэр хүндэд сөргөөр нөлөөлөхөөс эмээсэн гэдгээ ч хэлсэн байна.Ямамура нь их аварга Хакухо М.Даваажаргалын харьяалагддаг Миягино дэвжээг удирддаг юм.Энэ бүх дуулиан шуугианы дараа түүнийг Японы сумо бөхийн холбооноос хөөсөн байна.
Эх сурвалж: UBS.MN