Таны зан аашинд эерэгээр нөлөөлөх 8 хүнсийг нэрлэе
Стресстэй үедээ хүмүүс амттан идэхийг илүүд үздэг. Энэ нь явсаар илүүдэл жин, чихрийн шижин зэрэг өвчнийг дагуулах аюултай. Тэгвэл хүний зан аашинд эерэгээр нөлөөлөх эрүүл хүнсний бүтээгдэхүүнийг нэрлэе.
1. Хар шоколад. Энэхүү бүтээгдэхүүн нь магни ихээр агуулдаг. Эрдэс бодис нь таны эд эсийг сэргээх бөгөөд сэтгэл санаа тавгүйтсэн үед сэргээж өгдөг байна. Мөн цэвэр хар шоколад нь тураах үйлчилгээтэй байдаг ажээ.
2. Ногоон цай. Ногоон цай нь ясны сийрэгжилт, хавдар, зүрх судасны өвчин, шүд хорхойтолтын эрсдлийг бууруулдаг байна. Хүний биеийн флаваноид болон полифенолууд хэмээх эсийг хавдар үүсгэгчид буюу карциногенүүдээс хамгаалдаг аж. Түүнчлэн ногоон цай нь цусны судсыг тэлж, бүлэн үүсэхээс сэргийлэх замаар зүрхний шигдээс, зүрхний дайрлагад өртөхөөс сэргийлэх ач холбогдолтой юм. Иймээс таныг амар тайван байхад ногоон цай тусална.
3. Алмон. Салмон болон самар. Эдгээр нь омега-3-аар баялаг бүтээгдэхүүн юм. Депрессийн эсрэг сайн үйлчилгээтэй бөгөөд зан аашийг зөөлөн, сайхан болгодог нь нь батлагджээ. Мөн ой санамжид сайнаар нөлөөлдөг байна.
4. Тахианы мах. Энэ нь В12 витаминаар баялаг юм. Тахианы мах эрүүл хөнгөн шинжийн мах учраас сайхан мэдрэмж төрүүлж, сэтгэл санааг сайхан болгодог ажээ.
5. Авокадо. Авокадо нь серотонин агуулдаг бөгөөд мөн л сэтгэл санааг засдаг болох нь судалгаагаар батлагджээ.
6. Бууцай. Орчин үед хүмүүс бууцайны ач тусыг мэдэх болсноор хоол хүнсэндээ өргөн ашиглах болжээ. Бууцай нь В витамин болон фолийн хүчил ихээр агуулдаг байна. Энэ нь таны бодисын солилцоонд сайнаар нөлөөлнө. Мөн антиоксидант шинж чанартай тул тархины эсүүдийг хамгаалдаг аж.
7. Гүзээлзгэнэ болон бөөрөлзгөнө. Эдгээр жимсүүд нь антиоксидант чанартай. Гүзээлзгэнэ болон бөөрөлзгөнө жимсний эрдэс бодисууд депресс болон стрессийг бууруулж чадах юм.
8. Йогурт. Дархлааны системийг дэмжиж, зан аашийг тогворжуулна.
