АНУ-ын Мэйсон Сити гэдэг жижигхэн хотод болсон пиццаны хэрэг явдал шуугиан тарьж байна. Энэ хот дахь пиццаны газрын зар сурталчилгаан дээр "Хэрэв пицца хүргэлт хугацаандаа хийгдэхгүй бол захиалагч төлбөрөө төлөхгүй байж болно" хэмээн бичсэн байдаг гэнэ. Тэгвэл тус хотод оршин суудаг 42 настай Жэйсон Фэрго гэдэг эр үнэгүй пицца идэхийг хүссэн тул нэгэн төлөвлөгөө боловсруулжээ. 

Тэрбээр шөнийн хоёр цагт пицца захиалсан ба өөрийнх нь гэр рүү хүрдэг засмал зам дээр хадаас цацаад хүргэлтийн машин дугуйгаа хагална гэж тооцолсон байж. Мөн жолоочийг хорлохын тулд гудамжны гэрлийг хагалж орхисон байна. Гэвч түүний төлөвлөгөө хэрэгжсэнгүй. Эхний хүргэлтийн машины дугуй нь хагарсан боловч өөр нэг хүргэлтийн машин тус ослыг хараад тусламж үзүүлсэн байна. Зальт Фэргогийн захиалсан пицца яг 25 минутын дараа гэрт нь халуунаараа хүргэгдэн иржээ. 

Уг хэрэг үүгээр дуусаагүй ба Фэргогийн тавьсан хадаасанд өөр дөрвөн машин дугуйгаа хагалжээ. Фэрго Цагдаагийн хяналтын видео камер зоосоныг мэдээгүй байсан учир түүний үйлдэл бүтнээрээ бичигджээ. Пицца үнэгүй идэхийг хүссэн зальт эр шүүхээс хоёр жилийн ял сонсож магадгүй болсон аж.