Өөрийг нь хүчиндсэн хэмээн нутан нэгтнээ дөрвөн сар шоронд суулгажээ
Уншсан 2592 vote 0 2014.11.18 15:25:45Хийгээгүй хэргээ хүлээн зөвшөөрч улмаар дөрвөн сар шоронд суусан Монгол залуу, өөрийг нь хохироосон төлбөрөө Өмнөд Солонгос улсаас нэхэхээр өргөдөл гаргасан тухай Инчон хотын цагдаагийн газраас мэдээлэллээ.
Монгол залуу A нь өнгөрсөн 2012 оны 10 сард нутаг нэгт бүсгүйгээ хүчирхийлсэн хэрэгт холбогдон саатуулагдсан ба түүнийг шалгаж байсан мөрдөн байцаагч Ким "хэрвээ тэрээр хэргээ хүлээвэл цаашид хохирогчтойгоо тохиролцон хэргийг хэрэгсэхгүй болгоно, харин хэргээ хүлээхгүй бол эрүүгийн хэрэг үүсгэн шүүх хурал болж, шоронд суух ял авна" гэж хэлж байжээ. Түүний хэлсний дагуу А нь хийгээгүй хэргээ хүлээн суллагдсан байна.
Солонгос болон Монгол улсын хооронд автомашины наймаа эрхэлдэг А нь хэрэг гардаг шөнө хоёр эмэгтэй, нэг эрэгтэй Монгол найзтайгаа архидан согтуурч 30 шил шар айраг уусан ба хэт согтолттой байсан үедээ хоорондоо зодолдож, энэ үед нэг эмэгтэйн дотуур хувцас нь урагдсан ажээ. Уг эмэгтэй өөрийгөө хүчиндүүлсэн хэмээн үзэж 112 дугаарт залган цагдаа дуудсанаар уг хэрэг үүсч, түр гадуур байсан иргэн А-г 2014 оны 07 сард Монголоос ирэхэд нь саатуулсан байна.
Иргэн А нь дөрвөн сар шоронд суусны эцэст хэргийг хэрэгсэхгүй болсон ба хохирогч гэгдэж байсан Монгол бүсгүй "Согтуу байсан тул юу болсныг мэдээгүй, гэхдээ хүчиндүүлээгүй" хэмээн хэлж өргөдлөө буцаан авсан байна. Харин хийгээгүй хэргийнхээ төлөө дөрвөн сар шоронд суусан Монгол залуу A өнгөрсөн дөрвөн сарын хугацааны бие махбодь, сэтгэл санааны хохирлоо Солонгос улсаар төлүүлнэ хэмээн нөхөн нэхэмжлэсэн өргөдөл гаргаад байгаа юм байна.