Үхрийн мах 10090 төгрөг, адууны мах 6480 төгрөг, ямааны мах 6200 төгрөгийн үнэтэй байна
Уншсан 2842 vote 0 2014.07.17 00:25:07Махны дундаж үнэ: Долоодугаар сарын 9-ний байдлаар хонины ястай махны үнэ өмнөх сарынхаас 6.3 хувь, үхрийн ястай махны үнэ 10.0 хувь, үхрийн цул мах 6.4 хувь, адууны махны үнэ 1.9 хувиар буурч, ямааны махны үнэ 1.9 хувиар өссөн байна. Өмнөх 7 хоногийнхоос хонины ястай махны үнэ 0.9 хувь, үхрийн ястай махны үнэ 7.9 хувь, үхрийн цул махны үнэ 4.5 хувь, адууны махны үнэ 1.9 хувиар буурч, ямааны махны үнэ өөрчлөлтгүй байна. Долоодугаар сарын 9-ний байдлаар 1 кг хонины /ястай/ мах дунджаар 7200 төгрөг, үхрийн /ястай/ мах 7855 төгрөг, үхрийн цул мах 10090 төгрөг, адууны мах 6480 төгрөг, ямааны мах 6200 төгрөгийн үнэтэй байв.
Гурилын үнэ: Долоодугаар сарын 9-ны байдлаар дээдийн дээд зэргийн савласан гурилын үнэ өмнөх сарынхаас 1.5 хувь, дээд зэргийн савласан гурилын үнэ өмнөх сарынхаас 2.5 хувь, 1-р зэргийн гурилын үнэ өмнөх сарынхаас 9.9 хувь, 2-р зэргийн гурилын үнэ 2.3 хувиар өссөн байна. Харин өмнөх 7 хоногийнхоос дээдийн дээд зэргийн савласан гурилын үнэ 1.2 хувь, 1-р зэргийн гурилын үнэ 3.6 хувьиар өсч, бусад гурилын үнэ өөрчлөлтгүй байлаа.
Будаа, элсэн чихрийн дундаж үнэ: Долоодугаар сарын 9-ний байдлаар цагаан будааны үнэ, элсэн чихрийн үнэ өмнөх сарынхаас болон өмнөх 7 хоногийнхоос өөрчлөлтгүй байна.
Төмс, хүнсний ногооны дундаж үнэ: Долоодугаар сарын 9-ний байдлаар төмс, хүнсний ногооны үнийг өмнөх сарын дундаж үнэтэй харьцуулахад луувангийн үнэ 26.3 хувь, төмсний үнэ 9.4 хувь, байцааны үнэ 16.1 хувь, манжингийн үнэ 58.2 хувиар өсч, сонгины үнэ 0.4 хувиар буурсан байна. Өмнөх 7 хоногийнхоос луувангийн үнэ 14.6 хувь, төмсний үнэ 8.9 хувь, байцааны үнэ 15.2 хувь, манжингийн үнэ 58.2 хувиар өсч, сонгины үнэ 0.4 хувиар буурсан байна.
Сүү, өндөг, ургамлын болон цөцгийн тосны дундаж үнэ: Долоодугаар сарын 9-ний байдлаар өмнөх сарынхаас савласан /1 литрийн/ сүүний үнэ 2.8 хувь, “Элекстер” /0.5 л/ савласан сүүний үнэ 2.9 хувь, задгай сүүний үнэ 34.0 хувиар буурч, өмнөх 7 хоногийнхоос савласан /1 литрийн/ сүүний үнэ 1.4 хувь, “Элекстер” /0.5 л/ савласан сүүний үнэ 1.9 хувь, задгай сүүний үнэ 33.3 хувиар буурсан байлаа. Ургамлын тосны үнэ өмнөх сарынхаас болон өмнөх 7 хоногийнхоос өөрчлөлтгүй, өндөгний үнэ өмнөх сарынхаас 5.2 хувь, өмнөх 7 хоногийнхоос өөрчлөлтгүй, цөцгийн тосны үнэ өмнөх сарынхаас болон өмнөх 7 хоногийнхоос өөрчлөлтгүй байна.