Британийн эрдэмтэд еврейчүүдийг үзэн ядаж хүйс тэмтэрч байсан Адольф Гитлерийн эхнэр Ева Браун еврей гаралтай байсныг тогтоосон байна гэж The Independent сонин мэдээлсэн байна. Баварын Альпад байдаг Гитлерийн гэр Бергхофоос Брауны 1945 онд үсээ самнаж байсан үлдэгдлийг олж ДНК-ийн шинжилгээ хийснээр ийм дүгнэлтэд хүрчээ. Ева Брауны эхийн талд еврей цусны хүнтэй холбоотой хүн байсан гэнэ.
Уг нь Брауны гэр бүлийг Гитлерийн дотны хамтран зүтгэгч Мартин Борман шалгаж нягтлан жинхэнэ арий үндэстэн гэж тогтоож байсан юм.
Ева Браун нацист удирдагч Гитлерийн амраг байгаад сүүлд нь хамтран амьдрагч  нь болж байснаа 1945 оны дөрөвдүгээр сарын 30-нд Гитлерийг амиа хорлохоос хэдхэн цагийн өмнө хууль ёсоор гэрлэсэн юм. Тэдний хуримын гэрчээр Мартин Борман, Йозеф Геббельс оролцжээ.