Хүн төрөлхтөн өдөрт 400 тэрбум аяга кофе уудаг

Кофе нь ухаан санааг сэргээх, тамиржуулах нөлөө үзүүлдэг болохоор сая сая хүмүүсийн дуртай ундаа болсон. Энэ ундааны талаарх зарим сонирхолтой баримтаас дурдвал:

1. Америкчуудын 52% кофег тогтмол хэрэглэдэг.
2. Кофег анх чихэргүй уудаг байсан ч Францын хаан 14-р Луи чихэр хийж ууснаас хойш чихэртэй уух моод дэлгэрсэн байдаг.
3. 1657 оны үед Англид кофег тулай өвчний эсрэг эм хэлбэрээр хэрэглэдэг байжээ. Хандлан найруулсан кофе нь хөрөх явцдаа 700 гаруй төрлийн химийн бодис ялгаруулдаг бөгөөд үүнийг хүмүүс кофений өвөрмөц амт, үнэр гэж хүлээн авдаг.
4. Дэлхийн кофений хэрэглээний гуравны нэг буюу сая таван зуун мянга гаруй тонн кофег Бразилд тариалж, боловсруулдаг.
5. Кофений найрлагад агуулагддаг гол бодис кофеинийг Олон улсын олимпийн хороо сэргээш гэж үздэг. Тиймээс тамирчны цусан дахь кофеиний агуулга 12 микрограммаас их байвал санаатайгаар сэргээш хэрэглэсэн гэж үзээд тэмцээнээс шууд хасдаг байна. Хүний цусан дахь кофеиний агуулга ийм хэмжээнд хүрэхийн тулд 5 аяага кофе уухад л хангалттай.
6. Кофений үрийг 200-220 градусын халуун хуурдаг. Хууралт нь удаан байх тусам өнгө нь хар болдог.
7. Кофег үрийнх нь хэмжээ, чанар ба хуурч бэлтгэсэн онцлог гэсэн гурван үзүүлэлтээр нь ангилж ялгадаг.
8. Кофег дэлхийн 45 оронд тариалдаг.
9. Дэлхийн хамгийн түгээмэл ундаа бөгөөд хүн төрөлхтөн өдөрт 400 тэрбум аяга кофе уудаг.
10. 1844 онд гарсан кофе найруулах жор “Кофений нунтагаас нэг халбагыг хагас литр буцалсан усанд хийж 20-25 минут буцалгана. Дараа нь 4-5 минут тунгаагаад дээрээс нь загасны тос, эсвэл өндөгний талыг хийнэ”.
11. Кофений мод нь мөнх ногоон бөгөөд 5 м хүртэл өндөр ургадаг ч тариалангуудад хураахад амрыг нь бодоод 2 м хүргээд огтлож богиносгодог. Кофений мод хангалттай ургац өгдөг болтлоо 4-5 жил болно.
12. Дэлхийн хамгийн үнэтэй кофений төрлийг “Kopi Luwak” гэдэг. Энэ нь лувак нэртэй амьтны ялгадсан дахь кофений үрийг түүж цуглуулан бэлтгэсэн кофе юм. Энэ амьтан кофений хамгийн сайн үрийг сорчилон түүж иддэг болохоор ийнхүү ялгадаснаас түүж авдаг юм байна. Ийм кофе нь үнийн хувьд ч их өндөр.
13. Кофе ууж амиа хорлохыг хүсвэл 4 цагийн дотор 100 аягыг уух хэрэгтэй гэнэ.

П.Ундраа