Унгарын нийслэл Будапешт хотод Дунай мөрөн дээгүүр гүүр тавихаар газар шорооны ажил хийж байх үед манай эриний  эхэн үед хамаарах  оршуулга олсон байна.
“World News” –ийн мэдээллээс иш татаж  АПА агентлагийн дамжуулснаар  бол  мэргэжилтнүүд үүнийг Хүннүгийн Атиллагийн эзэнт гүрний үеийн оршуулга байх гэж үзэж байгаа юм байна.
Будапештийн их сургуулийн ажилтан Альбрехт Румштейн  “Энэ оршуулгаас олон тооны адууны араг яс, төрөл бүрийн зэвсэг, Хүннүгийн үед хамаарах ахуйн зүйлс олсон”  гэжээ. Бас Атилла хааны хэрэглэж явсан байж болох илд байсан байна. Энэ олдворууд Хүннүчүүдийн түүх, соёл, ахуйн талаар төдийгүй Атилла хааны сүүлийн 25 жилийн амьдралын талаар олон зүйлийг мэдэхэд хариу өгнө гэж үзэж байгаа гэнэ. Европт “Тэнгэрийн ташуур” хэмээн нэрийдсэн Атилла нь манай эриний 434-453 онд өнөөгийн монголчуудын өвөг Хүннүгийн асар том эзэнт гүрнийг тэргүүлж Монголоос Унгар хүртэлх газар нутгийг эзэлж байжээ. Өнөөгийн унгарчууд ч өөрдийгөө Хүннүчүүдээс гаралтай, тэдний удам гэж үздэг юм.