Бичлэгийн тоо 3,329
13 настай сурагч ангидаа цөмийн реактор бүтээжээ
Нийтэлсэн: 1 өдрийн өмнө
Их Британий 13 настай сурагч Жейми Эдвардс цөмийн реактор бүтээсэн дэлхийн хамгийн залуу хүнээр тодорлоо.
Орон нутгийн их сургуулийн физикийн кафедр түүнтэй хамтран ажиллахаас татгалзсан тул хүү ангидаа энэ реакторыг хийж, шинжлэх ухаан сонирхогчдын уралдаанд ялжээ. Тэрбээр аюулгүй байдлын бүх дүрмийг баримталж, осол авааргүй ажлаа дуусгасан байна. Эдвардс цөмийн урвалыг тэгээс эхлэн гели бүтээхийн тулд устөрөгчийн хоёр атомыг нийлүүлж чаджээ.
Жаал хүүд сургуулийн захирал Жим Хуриган тусалж, дунд сургуулийнхаа төсвөөс 4500 доллар гаргаж өгчээ. Ингээд хэдэн сарын дараа цөмийн реактор бэлэн болсон аж. "Энэ бол том амжилт. Найзууд маань намайг галзуу гэж бодож байгаа. Би хийж чадсандаа итгэж ч чадахгүй байна" хэмээн жаал хүү ярилаа.
Тэрбээр хичээлийнхээ хажуугаар Престоны академид сурдаг бөгөөд олон жилийн турш цацраг идэвхт бодисыг сонирхон судалж байгаа аж. Эдвардс Зул сараар бэлгэнд авсан мөнгөөрөө Гейгерийн тоолуурыг авсан гэнэ.
Өмнө нь буюу 2008 онд АНУ-ын 14 настай Тейлор Уилсон мөн термо цөмийн реактор бүтээсэн. Джейми түүнийг дуурайж түүхэнд мөнхрөхөөр шийдсэн нь ийнхүү амжилттай болжээ.
Өмнө нь буюу 2008 онд АНУ-ын 14 настай Тейлор Уилсон мөн термо цөмийн реактор бүтээсэн. Джейми түүнийг дуурайж түүхэнд мөнхрөхөөр шийдсэн нь ийнхүү амжилттай болжээ.
Нэмж өгүүлэхэд, цөмийн урвалын хамгийн тод жишээ бол манай нар юм байна.
