Бичлэгийн тоо 3,329
АНУ-ын
Филадельфи мужийн “Ametros solution” компанид ажилладаг Н.Дорждэрэм,
Д.Тулгабаатар хэмээх монгол залуус анх удаа орон зайн цэнэглэгч
бүтээжээ. Тэдний хоёр жилийн туршилтын үр дүнд бүтсэн дээрх цэнэглэгчийг
суурин болон хөдөлгөөнт орчинд хэрэглэх боломжтой юм байна. Түүгээр ч
зогсохгүй, монгол залуусын бүтээсэн орон зайн цэнэглэгчийн төсөл 45
хоногийн дотор 100 мянган ам.доллар босгох төлөвлөгөөтэйгөөр
“Kickstarter” сайт дээр байршжээ. Хэрвээ тэд үнэхээр “Kickstarter”
компанит ажилд амжилттай оролцож, бүтээгдэхүүн нь шалгарч, худалдаанд
гарах болбол Хятадын гурван компанийг судалж байгаад аль нэгээр нь
цэнэглэгчээ үйлдвэрлүүлэх бодолтой байгаа аж.
Суурин
орчинд хэрэглэх цэнэглэгч нь таны гар утсыг ямар нэгэн хүлээн
авагчгүйгээр цэнэглэж чадах хамгийн анхны уян хатан, бас нимгэн гэртэй
гэдгээрээ онцлог аж. Үүгээр гар утсаа цэнэглэхэд “iPhone 5”-д 2-2.5 цаг,
“Galaxy S3”-т 2.5-3.5 цаг зарцуулах аж. Мөн утсыг бүрэн цэнэглэж
дуусангуут автоматаар зогсдог тул цэнэг нурахаас айлтгүй юм байна.
Хөдөлгөөнт орчинд ашиглах цэнэглэгчийг машинд байрлуулж хэрэглэвэл тун
тохиромжтой гэнэ. Учир нь энэ цэнэглэгчийн гол шид нь гар утсан дээрх
мэдээллийг GPS рүү хөрвүүлэх боломжтой юм байна.
