“Оюутолгой” компанийн Удирдлагын хороонд дөрвөн гишүүнийг шинээр томилжээ. Хуулийн хэлтсийн дарга Ц.Мөнх-Очир, Эрчим хүчний стратеги хөгжлийн хэлтсийн дарга С.Мөнхсүх, Компанийн хэрэг эрхлэх газрын дарга, ТУЗ-ийн нарийн бичгийн дарга Ц.Цэрэнхүү, бизнесийн шинжилгээ, төлөвлөлтийн ахлах менежер Б.Дуламсүрэн нар дээрх албан тушаалд томилогджээ.

Ингэснээр Удирдах зөвлөлийн нийт 14 гишүүний тав нь Монгол Улсын иргэн боллоо. Энэ талаар “Оюутолгой” компанийн ерөнхийлөгч бөгөөд гүйцэтгэх ерөнхий захирал Камерон МакРей “Удирдлагын хороо өргөжиж байгаа нь “Оюутолгой”-н барилга угсралт, бүтээн байгуулалтаас бизнесийн үйл ажиллагаа бүхий аж ахуйн нэгж болон хувьсан өөрчлөгдөж байгаатай холбоотой.

Туршлагатай шинэ гишүүд Удирдлагын хороог улам бэхжүүлж, компанийн хөгжилд хувь нэмэр оруулна гэдэгт итгэлтэй байна” хэмээн ярьжээ.