“Жил
бүрийн зургадугаар сарын 5-нд тэмдэглэдэг “Бүх дэлхийн байгаль
хамгаалах өдөр”-ийг энэ жил Монголд тэмдэглэх болно” гэж НҮБ-аас энэ
сарын 22- нд мэдэгдлээ. Энэ жилийн байгаль хамгаалах өдрийн сэдэв нь
“Хүнсний хог хаягдлыг багасгах”. Дэлхийд жилд үйлдвэрлэж байгаа хүнсний
бүтээгдэхүүний 30 хувь нь хаягдал болж байгаа нь мөнгөн дүнгээр нэг
триллион ам.доллар болж байна.
НҮБ-ын
байгаль хамгаалах хөтөлбөр болох ЮНЕП “Дэлхийд хамгийн хурдан хөгжиж
байгаа орны нэг болох Монгол Улс ногоон эдийн засгийн бодлого явуулан,
уул уурхайн салбарт эко технологи нэвтрүүлэн амжилтад хүрч байгааг
үнэлэн Бүх дэлхийн байгаль хамгаалах өдрийг зохион байгуулах хүндтэй
үүргийг олгосон. Монголын Засгийн газрын хүч чармайлтаар залуу үеийн
байгаль орчны талаарх мэдлэг ихэд дээшилсэн. Гэхдээ сүүлийн үед Монголд
цэвэр усны нөөц, хүнсний аюулгүй байдалтай холбоотой асуудал ихээр гарах
болсон. Тус улсын Засгийн газар энэ бүхэнтэй тэмцэн, сэргээгдэх эрчим
хүч ашиглах, байгаль орчноо хамгаалах талаар ажиллаж байна” гэж
мэдээлсэн байна.
