“Хөвсгөл-Их тайга” ХХК ээзгийний хандаар хийсэн “Элэгний тэжээл” хэмээх бүтээгдэхүүн зах зээлд гаргажээ. Монголчууд эрт дээр үеэс ээзгийний хандыг элгэнд сайн хэмээдэг байж. Тус компани энэхүү уламжлалт бүтээгдэхүүнийг өөрсдийн технологийн дагуу үйлдвэрлэж хэрэглэгчдэдээ ийнхүү хүргээд байгаа юм.

Сэлэнгэ аймгийн Баруунбүрэн сумаас түүхий эдээ бэлтгэн нийлүүлдэг аж. Үнээний таргийг ээдүүлж шар сүүг нь ширгээн ээзгийний хандаа гаргаж, хошуу будааны нэвс, улаан чавга, чихэр өвсний ханд нэмснээр уг бэлдмэлийг гарган авдаг юм байна.

Энэ бэлдмэлийг тогтмол хэрэглэвэл элэгний хатуурал, хавдар, уургийн дутагдал, чихрийн шижин өвчнөөс урьдчилан сэргийлэхэд тустай гэнэ.